കോട്ടയത്ത് അമിത വേഗതയില്‍ എത്തിയ കാര്‍ ബൈക്കിലിടിച്ച്‌ അപകടം: നിയന്ത്രണം വിട്ട കാർ സമീപത്തെ വീടിനുള്ളിലേക്ക് ഇടിച്ച് കയറി
സ്വന്തം ലേഖകൻ
ഗാന്ധിനഗര്‍: അമിത വേഗതയില്‍ എത്തിയ കാര്‍ ബൈക്കിലിടിച്ച്‌ ബൈക്ക് യാത്രക്കാരായ രണ്ടു പേര്‍ക്ക് ഗുരുതരമായി പരിക്കേറ്റു.
നിയന്ത്രണംവിട്ട കാര്‍ സമീപത്തെ വീടിന്‍റെ ഗേറ്റ് തകര്‍ത്ത് വീടിനുള്ളിലേക്കു കയറി ഇടിച്ചുനിന്നു.
വീട്ടുമുറ്റത്തുനിന്നിരുന്ന ഗൃഹനാഥന്‍ രക്ഷപ്പെട്ടത് തലനാരിഴയ്ക്ക്.
ഇന്നലെ ഉച്ചയ്ക്ക് 12ന് ആര്‍പ്പൂക്കര പുളിഞ്ചുവട് കവലയ്ക്കു സമീപമാണ് അപകടം. കുമരനല്ലൂര്‍ ഭാഗത്തുനിന്നും അമിതവേഗതയിലെത്തിയ കാര്‍ എതിര്‍വശത്തുനിന്നു വന്ന ബൈക്കില്‍ ഇടിക്കുകയായിരുന്നു.
Whatsapp Group 1 | Whatsapp Group 2 |Telegram Group
ഇതോടെ നിയന്ത്രണം നഷ്ടപ്പെട്ട കാര്‍ സമീപത്തെ വീടിന്‍റെ ഗേറ്റ് തകര്‍ത്ത് സിറ്റൗട്ടില്‍ ഇടിച്ചുനിന്നു. ഈ സമയം സ്കൂട്ടറില്‍ പുറത്തു പോയി തിരികെയെത്തിയ ഗൃഹനാഥന്‍ വെള്ളൂപ്പറന്പില്‍ ബാബു ജോസഫ് സ്കൂട്ടര്‍വച്ച ശേഷം വീടിന്‍റെ മുറ്റത്തു നില്‍ക്കുകയായിരുന്നു.
ഗേറ്റ് തകര്‍ത്ത് കാര്‍ പാഞ്ഞുകയറി വരുന്നതു കണ്ട് ഓടി മാറിയതിനാലാണ് അപകടത്തില്‍പ്പെടാതെ രക്ഷപ്പെട്ടത്. പരിക്കേറ്റവരെ തെള്ളകത്തെ സ്വകാര്യ ആശുപത്രിയില്‍ പ്രവേശിപ്പിച്ചു. കോട്ടയം വെസ്റ്റ് പോലീസ് സ്ഥലത്തെത്തി മേല്‍നടപടികള്‍ സ്വീകരിച്ചു.
