വിവാഹ സമ്മാനമായി കിട്ടിയ പാവ പൊട്ടിത്തെറിച്ച്‌ അപകടം: പൊട്ടിത്തെറിച്ചത് വധുവിന്‍റെ സഹോദരിയുടെ മുന്‍ കാമുകൻ നല്‍കിയ പാവ

സ്വന്തം ലേഖകൻ
ഗുജറാത്ത്: ചൊവ്വാഴ്ചയാണ് നവസാരിയില്‍ വിവാഹ സമ്മാനമായി കിട്ടിയ പാവ പൊട്ടിത്തെറിച്ച്‌ ലതീഷ് ഗാവിത്ത് എന്നയാള്‍ക്ക് ഗുരുതരമായി പരിക്കേറ്റത്.

ഇയാളുടെ കാഴ്ച നഷ്ടമായി. കൈ അറ്റ് പോയി. സഹോദരന്‍റെ മൂന്ന് വയസുള്ള മകനും സ്ഫോടനത്തില്‍ പരിക്കേറ്റിരുന്നു. വധുവിന്‍റെ സഹോദരിയുടെ മുന്‍ കാമുകള്‍ നല്‍കിയ പാവയാണ് പൊട്ടിത്തെറിച്ചതെന്ന് ബന്ധുക്കള്‍ പൊലീസില്‍ പരാതി നല്‍കിയിരുന്നത്. പൊലീസ് അന്വേഷണം വ്യാപിപ്പിച്ചതോടെ ഒറ്റ ദിവസം കൊണ്ട് പ്രതി പിടിയിലായി.

രാജു പട്ടേല്‍ എന്നാണ് പ്രതിയുടെ പേര്. വധുവായ സല്‍മയുടെ മൂത്ത സഹോദരി ജുഗൃതിയുടെ മുന്‍ കാമുകന്‍. രാജുവിന് സ്ഫോടക വസ്തു എത്തിച്ച്‌ നല്‍കിയ മനോജ് എന്നയാളെയും പിടികൂടിയിട്ടുണ്ട്. ചോദ്യം ചെയ്യലില്‍ രാജു പൊലീസിന് നല്‍കിയ മൊഴിയാണ് കേസില്‍ വഴിത്തിരിവായത്