വളർത്തു നായയെ ഓട്ടോയിൽ കയറ്റുന്നതിനെ ചൊല്ലിയുള്ള തർക്കം ;തിരുവനന്തപുരത്ത് ലഹരിമരുന്നിന് അടിമകളായവർ ഓട്ടോഡ്രൈവറെ ക്രൂരമായി മർദിച്ചു

സ്വന്തം ലേഖിക

തിരുവനന്തപുരം :വളർത്തു നായയെ ഓട്ടോയിൽ കയറ്റുന്നതിനെ ചൊല്ലിയുള്ള തർക്കത്തെ തുടർന്ന് ഓട്ടോഡ്രൈവറെ ഒരു സംഘം യുവാക്കൾ ക്രൂരമായി മർദിച്ചു.

മടവൂർസ്വദേശി രാഹുലിനാണ് ക്രൂരമർദനമേറ്റത്. ​ഗുരുതരാവസ്ഥയിൽ ഇദ്ദേഹം ആശുപത്രിയിൽ ചികിത്സയിലാണ്.

സംഭവത്തിൽ മടവൂർ സ്വദേശികളായ അഭിജിത്ത്, ദേവജിത്ത്, രതീഷ് എന്നിവരെ പൊലീസ് അറസ്റ്റ് ചെയ്തു. എല്ലാ പ്രതികളും ലഹരി മരുന്നിന് അടിമകളായവരാണെന്നാണ് പൊലീസ് പറയുന്നത്.