മുണ്ടക്കയം-കോരുത്തോട് റൂട്ടിൽ ബസുകൾ സർവീസ് മുടക്കുന്നു; ദുരിതത്തിലായി ജനം; പരാതി പറഞ്ഞിട്ടും കണ്ണടച്ച് അധികൃതർ; സമരത്തിനൊരുങ്ങി നാട്ടുകാർ

സ്വന്തം ലേഖകൻ

കോട്ടയം; മുണ്ടക്കയം കോരുത്തോട് റൂട്ടിൽ സ്വകാര്യ ബസ്സുകൾ സ്ഥിരമായി സർവീസ് മുടക്കുന്നത് മൂലം ദുരിതത്തിലായി നാട്ടുകാർ.

ഇവിടെ നിന്നും ജോലി സ്ഥലങ്ങളിലേക്കും, സ്കൂളുകളിലേക്കും മറ്റാവശ്യങ്ങൾക്കുമായി യാത്രചെയ്യുന്ന നിരവധി ആളുകൾ ഇതുമൂലം ദുരിതം അനുഭവിക്കുകയാണ്. യാത്രാദുരിതത്തിന് പരിഹാരമുണ്ടായില്ലേൽ പ്രത്യക്ഷസമരത്തിന് തയ്യാറാകുമെന്ന് നാട്ടുകാർ പറഞ്ഞു.

ജനം നിരവധി തവണ അധികാരികൾക്ക് പരാതി നൽകിയെങ്കിലും യാതൊരു നടപടിയും എടുക്കാതെ ജനങ്ങളുടെ ദുരിതത്തിന് നേരെ കണ്ണടക്കുകയാണ് അധികൃതർ ചെയ്യുന്നത്.

ഞായറാഴ്ചകളിൽ ഈ റൂട്ടിൽ സർവ്വീസ് നടത്തുന്നത് മൂന്നോ,നാലോ ബസുകൾ മാത്രമാണ് . ഞായറാഴ്ച്ച ദിവസം നിരവധി ബസുകൾ സർവ്വീസ് നടത്തുന്നില്ല. സന്ധ്യ കഴിഞ്ഞാൽ കോരൂത്തോട്ടിലേക്ക് പോകേണ്ടവർ ടാക്സി പിടിച്ച് പോകേണ്ട ഗതികേടിലാണ്.