എംജി സര്‍വകലാശാല കലോത്സവം; എസ്എഫ്‌ഐ- കെഎസ്‌യു പ്രവര്‍ത്തകര്‍ തമ്മിൽ സംഘർഷം; ഇടപെട്ട പൊലീസ് ഉദ്യോഗസ്ഥന് പരിക്കേറ്റു; പൊലീസ് ഉദ്യോ​ഗസ്ഥനെ കല്ലുകൊണ്ട് ഇടിച്ച കെഎസ്‌യു പ്രവര്‍ത്തകന്‍ പിടിയില്‍

സ്വന്തം ലേഖകൻ

പത്തനംതിട്ട : എംജി സര്‍വകലാശാല കലോത്സവത്തിനിടെ വിദ്യാര്‍ത്ഥികള്‍ തമ്മില്‍ സംഘര്‍ഷം. എസ്എഫ്‌ഐ കെഎസ്‌യു പ്രവര്‍ത്തകര്‍ ഏറ്റുമുട്ടി.

പത്തനംതിട്ട റോയല്‍ ഓഡിറ്റോറിയത്തില്‍ സമൂഹഗാന മത്സരം നടക്കുന്നതിനിടെ ആയിരുന്നു സംഘര്‍ഷം ഉണ്ടായത്. സംഘര്‍ഷത്തില്‍ ഇടപെട്ട പൊലീസ് ഉദ്യോഗസ്ഥന് പരിക്കേറ്റു.

കെഎപി മൂന്നിലെ പൊലീസ് ഉദ്യോഗസ്ഥനായ മോഹന കൃഷ്ണനാണ് പരിക്കേറ്റത്. മര്‍ദനമേറ്റ് മോഹനകൃഷ്ണന്റെ കീഴ് ചുണ്ടില്‍ മുറിവേറ്റു.

പൊലീസുകാരനെ ആക്രമിച്ച് പരിക്കേല്‍പ്പിച്ച സംഭവത്തില്‍ ഒരാള്‍ പിടിയിലായി. ഉദ്യോഗസ്ഥവെ കല്ലുകൊണ്ട് ഇടിച്ചതിന് കെഎസ് യു പ്രവര്‍ത്തകനായ ഹാഫിസ് ആണ് പിടിയിലായത്.