പത്തനംതിട്ട ഏനാത്ത് റോഡരികിൽ നിർത്തിയിട്ടിരുന്ന സ്കൂട്ടറിൽ കാറിടിച്ച് ഭാര്യ മരിച്ചു, ഭർത്താവിന് ഗുരുതര പരുക്ക്;കൊട്ടാരക്കര ഭാഗത്തുനിന്നു വന്ന കാർ ദമ്പതികളുടെ വാഹനത്തിൽ ഇടിയ്ക്കുകയായിരുന്നു

സ്വന്തം ലേഖിക

പത്തനംതിട്ട : ഏനാത്ത് പുതുശേരി ഭാഗം ജംഗ്‌ഷനിൽ നിർത്തിയിട്ടിരുന്ന സ്കൂട്ടറിനു പിന്നിൽ കാറിടിച്ച് ഒരാൾ മരിച്ചു. ദമ്പതികൾ സഞ്ചരിച്ചിരുന്ന സ്കൂട്ടറിലാണ് കാറിടിച്ചത്. എംസി റോഡിലുണ്ടായ അപകടത്തിൽ കടമ്പനാട് വടക്ക് അമ്പലവിള പടിഞ്ഞാറ്റേതിൽ രാജേഷിന്റെ ഭാര്യ സിംലയാണ് (35) മരിച്ചത്.

രാജേഷിനു ഗുരുതരമായി പരുക്കേറ്റു. 3 മണിയോടെയായിരുന്നു അപകടം. കൊട്ടാരക്കര ഭാഗത്തുനിന്നു വന്ന കാറാണ് ഇവരുടെ വാഹനത്തിൽ ഇടിച്ചത്. ഇവർ റോഡരികിൽ സ്കൂട്ടർ നിർത്തി സംസാരിക്കുമ്പോഴായിരുന്നു അപകടം.