ചോദ്യം ചെയ്യലിന് മുന്നില് പതറി ദിലീപ്; പല ചോദ്യങ്ങൾക്കും ഉത്തരമില്ല; കരഞ്ഞുകൊണ്ടാണ് ചോദ്യങ്ങളോട് പ്രതികരിച്ചതെന്ന് അന്വേഷണ സംഘം; കേസുമായി ബന്ധപ്പെട്ട അതീവ രഹസ്യരേഖകള് ദിലീപിന്റെ മൊബൈലിലെത്തിയത് വാട്സാപ്പ് വഴി; ഫോണില് നിന്നും മാറ്റപ്പെട്ട കോടതി രേഖകള് ഫോറന്സിക് സംഘം വീണ്ടെടുത്തു; ദിലീപിനെതിരെ കുരുക്ക് മുറുകുന്നു
സ്വന്തം ലേഖകൻ
കൊച്ചി: നടി ആക്രമിക്കപ്പെട്ട കേസില് അന്വേഷണ സംഘത്തിന്റെ ചോദ്യം ചെയ്യലിന് മുന്നില് പതറി പ്രതി ദിലീപ്. ഉദ്യോഗസ്ഥരുടെ ചോദ്യങ്ങള്ക്ക് ഉത്തരമില്ലാതിരുന്ന ദിലീപ് കരഞ്ഞുകൊണ്ടാണ് ചോദ്യങ്ങളോട് പ്രതികരിച്ചതെന്നാണ് അന്വേഷണ സംഘം നല്കുന്ന വിവരം.
ആലുവ പൊലീസ് ക്ലബ്ബിലാണ് ചോദ്യം ചെയ്യല് പുരോഗമിക്കുന്നത്. സംവിധായകന് ബാലചന്ദ്രകുമാര് നടത്തിയ വെളിപ്പെടുത്തലുകളും കൈമാറിയ വീഡിയോ തെളിവുകളും ഉള്പ്പെടുത്തി വിശദമായ ചോദ്യാവലിയാണ് ക്രൈംബ്രാഞ്ച് തയ്യാറാക്കിയത്.
Whatsapp Group 1 | Whatsapp Group 2 |Telegram Group
ഫോണിലെ ഫോറെന്സിക് ഫലങ്ങളിലെ വിവരങ്ങള് സംബന്ധിച്ച ദിലീപില് നിന്നും കൂടുതല് വിവരങ്ങള് ചോദിച്ചറിയാനാണ് നീക്കം.
നടിയെ ആക്രമിച്ച കേസിലെ അന്വേഷണ ഉദ്യോഗസ്ഥരെ വധിക്കാന് ഗൂഢാലോചന നടത്തിയ കേസില് അന്വേഷണം തുടരുന്നതിനിടെയാണ് നടിയെ ആക്രമിച്ച കേസില് ദിലീപിനെ വീണ്ടും ചോദ്യം ചെയ്യുന്നത്. എസ് പി സോജന്റെയും ഡിവൈഎസ്പി ബൈജു പൗലോസിന്റെയും നേതൃത്വത്തിലാണ് ചോദ്യം ചെയ്യല്.
കേസുമായി ബന്ധപ്പെട്ട അതീവ രഹസ്യരേഖകള് കേസില് പ്രതിയായ ദിലീപിന്റെ മൊബൈലിലെത്തിയത് ഫോറന്സിക് വിദഗ്ധര് ശാസ്ത്രീയ പരിശോധനയിലൂടെ സ്ഥിരീകരിച്ചു. വാട്സാപ്പ് വഴിയാണ് ദിലീപിന് രേഖകള് ലഭിച്ചതെന്നും റിപ്പോര്ട്ടില് വ്യക്തമാണ്. ദിലീപിന്റെ ഫോണില് നിന്നും മാറ്റപ്പെട്ട കോടതി രേഖകള് ഫോറന്സിക് സംഘം വീണ്ടെടുത്തു.
കേസില് എട്ടാം പ്രതിയായ ദിലീപിന്റെ ഫോണിലേക്ക് കോടതിയില് നിന്നും രഹസ്യ രേഖകള് എത്തിയെന്ന വിവരം പൊലീസ് തന്നെ സ്ഥിരീകരിച്ചത് വന് വഴിത്തിരിവുകള്ക്ക് ഇടയാക്കിയേക്കും.അഭിഭാഷകന്റെ നിര്ദേശപ്രകാരമാണ് കൃത്യം നിര്വഹിച്ചതെന്നും സായ് ശങ്കര് പൊലീസിനോട് സമ്മതിച്ചിട്ടുണ്ട്. ജഡ്ജിയോ, സ്റ്റാഫോ ആയിരിക്കില്ലേ രേഖകള് അയച്ചതെന്ന പൊലീസിന്റെ ചോദ്യത്തിന് സ്വാഭാവികമെന്ന മറുപടിയാണ് സായ് ശങ്കര് നല്കിയത്.
ഇതിന് പിന്നാലെ രേഖകള് വീണ്ടെടുക്കാന് സായ്യുടെ വീട്ടില് നിന്നും പിടിച്ചെടുത്ത ഐമാക് ശാസ്ത്രീയ പരിശോധനക്ക് വിധേയമാക്കാന് അന്വേഷണസംഘം തീരുമാനിച്ചിരുന്നു.
ഇതിന് പിന്നാലെ രേഖകൾ വീണ്ടെടുക്കാൻ സായ് ശങ്കറുടെ വീട്ടിൽ നിന്നും പിടിച്ചെടുത്ത ഐമാക് ശാസ്ത്രീയ പരിശോധനക്ക് വിധേയമാക്കാൻ അന്വേഷണസംഘം തീരുമാനിച്ചിരുന്നു. ദിലീപിന്റെ ഫോണുകളിലെ തെളിവുകൾ നശിപ്പിച്ചത് സായ് ശങ്കർ തന്നെയാണെന്ന് അന്വേഷണസംഘം കഴിഞ്ഞദിവസം കണ്ടെത്തിയിരുന്നു.
2022 ജനുവരി 29 മുതൽ 31 വരെയുള്ള തീയതികളിൽ കൊച്ചിയിലെ രണ്ട് ഹോട്ടലുകളിൽ താമസിച്ചാണ് സായ് ശങ്കർ തെളിവുകൾ നശിപ്പിച്ചതെന്നാണ് അന്വേഷണസംഘത്തിന്റെ കണ്ടെത്തൽ. നടിയെ ആക്രമിച്ച കേസിൽ ദിലീപിന്റെ ചോദ്യം ചെയ്യൽ രാവിലെ 11.30 ഓടെയാണ് തുടങ്ങിയത്. നടിയെ ആക്രമിച്ച കേസിൽ എട്ടാം പ്രതിയാണ് നടൻ ദിലീപ്.
കേസിൽ ദിലീപിനെ നേരത്തെ തന്നെ അറസ്റ്റ് ചെയ്തിരുന്നതിനാൽ തുടരന്വേഷണത്തിന്റെ ഭാഗമായി ചോദ്യം ചെയ്ത് വിട്ടയക്കുക എന്നതാകും നടപടി.