സിറം ഇന്‍സ്റ്റിറ്റ്യൂട്ടിന്റെ കൊവോവാക്സിന് അടിയന്തര ഉപയോഗ അനുമതി; 12-18 വയസിന് ഇടയിലുള്ളവരില്‍ കുത്തിവയ്ക്കാം

സ്വന്തം ലേഖിക

ന്യൂഡല്‍ഹി: കോവിഡിനെതിരെ പൊരുതാന്‍ ഒരു വാക്സിന്‍ കൂടി തയ്യാറായി.

സിറം ഇസ്റ്റിറ്റ്യൂട്ട് നിര്‍മ്മിക്കുന്ന കൊവോവാക്സിനാണ് അടിയന്തര ഉപയോഗത്തിന് ഡ്രഗ്സ് കണ്ട്രോളര്‍ ജനറല്‍ ഓഫ് ഇന്ത്യയുടെ (ഡിജിസിഐ) അനുമതി ലഭിച്ചത്.

12 വയസ്സിനും 18 വയസിനുമിടയിലുള്ളവരില്‍ ഉപയോഗത്തിനായാണ് വാക്സിന് അനുമതി കിട്ടിയത്. അമേരിക്കയിലെ നോവാവാക്സുമായി ചേര്‍ന്ന് സീറം ഇന്‍സ്റ്റിറ്റിയൂട്ട് നിര്‍മിച്ച കോവിഡ് വാക്സിനാണ് കൊവോവാക്സ്.

കോവിഡിനെതിരെ രാജ്യത്ത് ഉപയോഗിക്കുന്ന ആദ്യത്തെ പ്രോട്ടീന്‍ വാക്സിനെന്ന് പ്രത്യേകതയും ഇതിനുണ്ട്.