സ്വകാര്യ ബസും ലോറിയും കൂട്ടിയിടിച്ച്‌ അപകടം; ഒരാൾ മരിച്ചു; നിരവധി പേര്‍ക്ക് പരിക്ക്

സ്വന്തം ലേഖിക

മലപ്പുറം: കൊണ്ടോട്ടിയില്‍ സ്വകാര്യ ബസും ലോറിയും കൂട്ടിയിടിച്ച്‌ ഒരാള്‍ മരിച്ചു.

കോഴിക്കോട് മെഡിക്കല്‍ കോളേജ് ആശുപത്രിയിലെ ജീവനക്കാരിയായ വിജി(25) ആണ് മരിച്ചത്. അപകടത്തില്‍ നിരവധി പേര്‍ക്ക് പരിക്കേറ്റു.

നിയന്ത്രണം വിട്ട ലോറി ബസിലിടിക്കുകയായിരുന്നു. പൂക്കോക്കട പെട്രോള്‍ പമ്പിന് മുൻപില്‍ രാവിലെ ആറേ കാലോടെയായിരുന്നു അപകടം.

മഞ്ചേരിയില്‍ നിന്ന് കോഴിക്കോട്ടേക്ക് പോകുകയായിരുന്ന ഐ ദിന്‍ എന്ന ബസാണ് അപകടത്തില്‍പ്പെട്ടത്.

അമിതവേഗതയില്‍ വന്ന ലോറി ബസിലിടിക്കുകയായിരുന്നു. ഇടിയുടെ ആഘാതത്തില്‍ ബസ് മറിഞ്ഞു. പരിക്കേറ്റവരെ കൊണ്ടോട്ടിയിലെ രണ്ട് സ്വകാര്യ ആശുപത്രികളിലായി പ്രവേശിപ്പിച്ചു.