കളിക്കുന്നതിനിടെ ഗേറ്റ് തലയിൽ വീണ് മൂന്ന് വയസുകാരൻ മരിച്ചു ; കോട്ടയം തിരുനക്കര പുത്തന്‍പള്ളി മുൻ ഇമാമിന്റെ ചെറുമകന്‍ അഹ്‌സന്‍ അലിയാണ് മരിച്ചത്

സ്വന്ത ലേഖിക

കോട്ടയം: കളിക്കുന്നതിനിടെ ഗേറ്റ് വീണ് മൂന്നു വയസുകാരൻ മരിച്ചു.കോട്ടയം തിരുനക്കര പുത്തന്‍പള്ളി മുൻ ഇമാം നദീര്‍ മൗലവിയുടെ ചെറുമകന്‍ അഹ്‌സന്‍ അലി(3) ആണ് മരിച്ചത്.

ചൊവ്വാഴ്ച രാവിലെ എട്ട് മണിയോടെ ഈരാറ്റുപേട്ടയിലെ വീടിന് സമീപത്തായിരുന്നു അപകടം. വീടിന് മുന്നിലെ ഗേറ്റില്‍ കയറി ഇറങ്ങി കളിക്കുന്നതിനിടെ ഗേറ്റ് ഇളകി ശരീരത്തിലേക്ക് വീഴുകയായിരുന്നു.

ഗേറ്റ് തലയില്‍ ഇടിച്ചാണ് മരണം സംഭവവിച്ചതെന്നാണ് പ്രാഥമിക വിവരം. കുട്ടിയെ സമീപത്തെ സ്വകാര്യ ആശുപത്രിയില്‍ എത്തിച്ചെങ്കിലും ജീവന്‍ രക്ഷിക്കാനിയില്ല.