കോട്ടയം തെക്കും​ഗോപുരത്ത് ചീട്ടുകളി സംഘം പൊലീസ് പിടിയിൽ ; കോൺ​ഗ്രസ് നേതാവിന്റെ നിയന്ത്രണത്തിലുള്ള ക്ലബ്ബിൽ നിന്ന് പിടികൂടിയത് എ‌ട്ടുപേരടങ്ങുന്ന സംഘത്തെ

സ്വന്തം ലേഖകൻ

കോട്ടയം: കോട്ടയം തെക്കും​ഗോപുരത്ത് ചീട്ടുകളി സംഘത്തെ വെസ്റ്റ് പൊലീസ് പിടികൂടി. കോൺ​ഗ്രസ് നേതാവ് എം.ജി.ശശിധരൻ്റെ നിയന്ത്രണത്തിലുള്ള പി.ജി രാധാകൃഷ്ണൻ മെമ്മോറിയിൽ ക്ലബിൽനിന്നുമാണ് എട്ടുപേരടങ്ങുന്ന സംഘത്തെ പൊലിസ് പിടികൂടിയത്.

സാബു തോമസ്, ശിവൻ, അൻസാർ, കുര്യാക്കോസ്, ജയ്സൺ ജോസ്, അഷ്റഫ്, എം വർഗീസ്, വീരവേൽ എന്നിവരാണ് പൊലീസ് പിടിയിലായിട്ടുള്ളത്.

രാത്രി എട്ട് മണിയോടെ നടന്ന റെയ്ഡിൽ അയ്യായിരം രൂപയോളം സംഭവസ്ഥലത്ത് നിന്ന് പിടിച്ചെടുത്തു. കൂടുതൽ ഇടപാടുകൾ നടക്കുന്നത് ​ഗൂ​ഗിൾ പേ വഴിയാണെന്ന് അന്വേഷണ സംഘം കണ്ടെത്തി.

വെസ്റ്റ് എസ് എച്ച് ഒ ആർ.പി. അനൂപ് കൃഷ്ണ, എസ് ഐ. ടി ശ്രീജിത്ത്, ​ ഗ്രേഡ് എസ് ഐമാരായ ഉദയകുമാർ, മാത്യു കെ പി, ബിനു രവീന്ദ്രൻ, പൊലീസ് ഉദ്യോഗസ്ഥരായ വിഷ്ണു, ഷെജിൻ, ദിലീപ് വർമ എന്നിവരുടെ നേതൃത്വത്തിലാണ് റെയ്ഡ് നടന്നത്