കോട്ടയം ന​ഗരമധ്യത്തിൽ ഗാന്ധിസ്‌ക്വയറിന് സമീപം വൈദ്യുതി പോസ്റ്റിന് തീ പിടിച്ചു; അഗ്നിരക്ഷാസേനയുടെ സമയോജിതമായ ഇടപെടൽ മൂലം വൻ ദുരന്തം ഒഴിവായി

സ്വന്തം ലേഖകൻ

കോട്ടയം: നഗരമധ്യത്തിൽ ഗാന്ധിസ്‌ക്വയറിന് സമീപം വൈദ്യുതി പോസ്റ്റിനു തീ പിടിച്ചു. നാട്ടുകാർ ഉടൻതന്നെ അഗ്നിരക്ഷാ സേനയിൽ വിവരമറിയിച്ചതോടെ വൻദുരന്തം ഒഴിവായി.

ശനിയാഴ്ച വൈകിട്ട് ആറരയോടെയാണ് സംഭവം. തീയും പുകയും കണ്ട നാട്ടുകാർ വിവരം അറിയിച്ചതോടെ കോട്ടയം യൂണിറ്റിൽ നിന്നുള്ള അഗ്നിരക്ഷാ സേനയെത്തി തീ നിയന്ത്രണ വിധേയമാക്കി.

തീ അണയ്ക്കുന്നതിന്റെ ഭാ​ഗമായി നഗരത്തിൽ ഗതാഗതം വഴി തിരിച്ച് വിട്ടു.തുടർന്ന് വൻഗതാഗതക്കുരുക്കാണ് ന​ഗരത്തിലുണ്ടായത്.