മി​ക​ച്ച സേ​വ​ന​ത്തി​നു​ള്ള സ​ര്‍ക്കാ​ര്‍ പു​ര​സ്‌​കാ​രം;സുബൈറിന്‍റെ നേട്ടത്തിൽ അഭിമാനത്തോടെ നാട്

സ്വന്തം ലേഖകൻ
കാ​ഞ്ഞി​ര​പ്പ​ള്ളി: ജോലികൾ കൃത്യമായി ചെയ്യുകയും പ​ര​മാ​വ​ധി വേ​ഗ​ത​യി​ല്‍ സ​ര്‍ട്ടി​ഫി​ക്ക​റ്റു​ക​ള്‍ ന​ല്‍കുകയും ചെയ്ത് മി​ക​ച്ച സേ​വ​ന​ത്തി​നു​ള്ള സ​ര്‍ക്കാ​ര്‍ പു​ര​സ്‌​കാ​രം നേ​ടി മു​ണ്ട​ക്ക​യം വ​ണ്ട​ന്‍പ​താ​ല്‍സ്വദേശിയും കാഞ്ഞിരപ്പളളി വി​ല്ലേ​ജ് ഓ​ഫി​സ​റുമായ വി.​എം. സു​ബൈ​ര്‍​. തങ്ങളുടെ നാട്ടുകാരന് ലഭിച്ച പുരസ്കാരത്തിന്റെ അഭിമാനത്തിലാണ് മു​ണ്ട​ക്ക​യം വ​ണ്ട​ന്‍പ​താ​ല്‍ ഗ്രാ​മം.

18 വ​ര്‍ഷ​മാ​യി റ​വ​ന്യൂ വ​കു​പ്പി​ല്‍ ജോ​ലി​ചെ​യ്യു​ന്നു. 2016ല്‍ ​കോ​രു​ത്തോ​ട് സ്‌​പെ​ഷ​ല്‍ വി​ല്ലേ​ജ് ഓ​ഫി​സ​റാ​യി​രു​ന്ന​പ്പോ​ള്‍ കാ​ഞ്ഞി​ര​പ്പ​ള്ളി താ​ലൂ​ക്ക്​​ത​ല പു​ര​സ്‌​കാ​ര​വും 2017ല്‍ ​ഭ​ര​ണ​ഭാ​ഷ പു​ര​സ്‌​കാ​ര​വും സു​ബൈ​റി​നെ തേ​ടി​യെ​ത്തി​യി​ട്ടു​ണ്ട്. പീ​രു​മേ​ട് വി​ല്ലേ​ജ് ഓ​ഫി​സി​ല്‍​നി​ന്നാ​ണ്​ കാ​ഞ്ഞി​ര​പ്പ​ള്ളി​യി​ലെ​ത്തി​യ​ത്.

ത​ന്റെ ജോ​ലി കൃ​ത്യ​മാ​യി ചെ​യ്യാ​നും പ​ര​മാ​വ​ധി വേ​ഗ​ത​യി​ല്‍ സ​ര്‍ട്ടി​ഫി​ക്ക​റ്റു​ക​ള്‍ ന​ല്‍കാ​നും പ്ര​ത്യേ​കം ശ്ര​ദ്ധി​ച്ചി​രു​ന്നു. മു​ഖ്യ​മ​ന്ത്രി​യു​ടെ ദു​രി​താ​ശ്വാ​സ ഫ​ണ്ടി​ല്‍നി​ന്ന്​ പ​ര​മാ​വ​ധി ആ​ളു​ക​ള്‍​ക്ക്​ സ​ഹാ​യം എ​ത്തി​ച്ചു​ന​ല്‍കു​ന്ന​തി​നും ശ്ര​മി​ച്ചു. ജോ​ലി​സ​മ​യം ക​ഴി​ഞ്ഞും അ​വ​ധി ദി​വ​സ​ങ്ങ​ളി​ലും മ​ടി​കൂ​ടാ​തെ ജോ​ലി ചെ​യ്തു​വ​രു​ന്ന വി.​എം. സു​ബൈ​ര്‍ മ​റ്റ്​ ഉ​ദ്യോ​ഗ​സ്ഥ​ര്‍ക്ക് മാ​തൃ​ക​യാ​ണ്.

കൊ​മ്പു​കു​ത്തി വെ​ള്ളി​ലാ​പ​റമ്പി​ല്‍ സി.​കെ. മു​ഹ​മ്മ​ദ്-​ലൈ​ല ദ​മ്പതി​ക​ളു​ടെ മ​ക​നാ​ണ്. നെ​സി​മോ​ളാ​ണ് ഭാ​ര്യ. വി​ദ്യാ​ര്‍ഥി​ക​ളാ​യ സൈ​ബ, മു​ഹ​മ്മ​ദ് സ​ര്‍ഫാ​സ് എ​ന്നി​വ​ര്‍ മ​ക്ക​ളാ​ണ്. തി​രു​വ​ന​ന്ത​പു​ര​ത്ത്​ ന​ട​ന്ന ച​ട​ങ്ങി​ല്‍ മു​ഖ്യ​മ​ന്ത്രി​യി​ല്‍നി​ന്ന്​ പു​ര​സ്‌​കാ​രം ഏ​റ്റു​വാ​ങ്ങി.