കോട്ടയം എം സി റോഡിൽ നാട്ടകത്തിനു സമീപം ബൈക്കും കാറും കൂട്ടിയിടിച്ച് അപകടം; ബൈക്ക് യാത്രികനായ യാവാവ് മരിച്ചു

സ്വന്തം ലേഖകൻ
കോട്ടയം: കോട്ടയം എംസി റോഡില്‍ ബൈക്കും കാറും കൂട്ടിയിടിച്ച് അപകടം. ഒരാൾ മരിച്ചു.

ചങ്ങനാശേരി റൂബിനഗറില്‍ പുന്നയ്ക്കല്‍ സോമി ആന്റണി [35]യാണു മരിച്ചത്. സോമിയോടൊപ്പം ബൈക്കില്‍ യാത്ര ചെയ്ത മറിയപ്പള്ളി പുത്തന്‍പറമ്പില്‍ ശ്രീജിത്തിനെ (33) പരുക്കുകളോടെ കോട്ടയം ജില്ലാ ആശുപത്രിയില്‍ പ്രവേശിപ്പിച്ചു.

ഇന്നലെ രാത്രി 10ന് നാട്ടകത്തായിരുന്നു അപകടം.

കോട്ടയത്തു നിന്നു ചങ്ങനാശേരിക്കു പോകുകയായിരുന്നു സോമിയും ശ്രീജിത്തും. പള്ളം ഭാഗത്തു നിന്നു കോട്ടയത്തേക്കു വരികയായിരുന്നു കാറുമായി കൂട്ടിയിടിക്കുകയായിരുന്നു. മൃതദേഹം ജനറല്‍ ആശുപത്രി മോര്‍ച്ചറിയില്‍.

അച്ഛന്‍: ആന്റണി ജോസഫ്, അമ്മ: ചിന്നമ്മ. സഹോദരങ്ങള്‍: സജന്‍ ആന്റണി, സോജി ബിജു.