കോട്ടയം സിമന്റ് കവല ഐശ്വര്യ ഹോട്ടലിന് സമീപം അമിതവേഗത്തിലെത്തിയ കെ എസ് ആർടി സി നാല് വാഹനങ്ങളിൽ ഇടിച്ച് അപകടം; ബൈക്ക് യാത്രക്കാരന് പരിക്ക്
സ്വന്തം ലേഖകൻ
കോട്ടയം: കോട്ടയം സിമന്റ് കവല ഐശ്വര്യ ഹോട്ടലിന് സമീപം അമിതവേഗത്തിലെത്തിയ കെ എസ് ആർടി സി നാല് വാഹനങ്ങളിൽ ഇടിച്ച് അപകടം.
രണ്ടു കാറിലും, ഒരു 407വാനിലും. ഒരു ബൈക്കിലും, ഇടിച്ചു. ബൈക്ക് യാത്രക്കാരനെ ഇടിച്ചു തെറുപ്പിച്ചു. ഇയാൾക്ക് സാരമായി പരിക്കേറ്റിട്ടുണ്ട്.
Whatsapp Group 1 | Whatsapp Group 2 |Telegram Group
രാത്രി 8.30 ഓടെയാണ് അപകടം. എം സി റോഡ് കോടിമത മുതൽ മണിപ്പുഴവരെ അമിതവേഗതയിലായിരുന്നു കെ എസ് ആർടി സിയെന്ന് ദൃക്സാക്ഷികൾ പറയുന്നു. നിർത്താതെപോയ ബസ് നാട്ടകം സിമന്റ് കവലയിൽവെച്ച് നാട്ടുകാരും മറ്റ് വാഹനങ്ങളും തടഞ്ഞു.
ഈരാറ്റുപേട്ട, തിരുവനന്തപുരം , കൊട്ടാരക്കര ഫാസ്റ്റ് പാസ്സഞ്ചർ ബസാണ് അമിതവേഗതയിലെത്തി മറ്റ് വാഹനങ്ങളിൽ കൂട്ടിയിടിച്ചത്. കട്ടപ്പന ടിപ്പോയിലെ ബസാണ്.
എംസി റോഡിൽ വൻ ഗതാഗതക്കുരുക്കാണ് അനുഭവപ്പെട്ടുകൊണ്ടിരിക്കുന്നത്. ചിങ്ങവനം പൊലീസ് സ്ഥലത്തെത്തി മേൽ നടപടികൾ സ്വീകരിച്ചു.
തുടർച്ചയായി അപകടമുണ്ടാക്കി സിമന്റ് കവല ഭാഗത്ത് വന്നപ്പോൾ 407 ലോറിയുടെ പിന്നിലിടിക്കുകയും അവിടെ വച്ച് നാട്ടുകാർ ബസ് തടയുകയും, അവിടെ നിർത്തിയിട്ടിരിക്കുകയുമാണ് ബസ്.
