വാരിശേരി കവലയ്ക്കുസമീപം ബൈക്കുകൾ തമ്മിൽ കൂട്ടിയിടിച്ചു :ഗുരുതര പരിക്കേറ്റ ഒരാളെ സമീപത്തെ സ്വകാര്യ ആശുപത്രിയിൽ പ്രവേശിപ്പിച്ചു
സ്വന്തം ലേഖിക
കോട്ടയം: വാരിശേരി കവലയ്ക്കു സമീപം ബൈക്കുകള്‍ കൂട്ടിയിടിച്ച്‌ ഒരാൾക്ക് പരിക്കേറ്റു. ഏറ്റുമാനൂര്‍ സ്വദേശിയായ ശിവരാമകൃഷ്ണ (48)നാണു പരിക്കേറ്റത് . ഇയാൾ കോട്ടയം മിഡാസിലെ ജീവനക്കാരനാണ് .
.ഗുരുതരമായി പരിക്കേറ്റ ഇയാളെ സമീപത്തെ സ്വകാര്യ ആശുപത്രിയില്‍ പ്രവേശിപ്പിച്ചു. ഇയാളുടെ കൈയ്ക്കു പൊട്ടലുണ്ട്.
Whatsapp Group 1 | Whatsapp Group 2 |Telegram Group
ഇന്നലെ വൈകുന്നേരം 5.15നാണ് സംഭവം. കോട്ടയം ഭാഗത്തുനിന്നും കുടയംപടി ഭാഗത്തേക്കു പോകുകയായിരുന്ന ബൈക്കുകള്‍. പനന്പാലം ഭാഗത്ത് വാടകയ്ക്കു താമസിക്കുന്ന സുബിന്‍ (24) എന്നയാള്‍ സഞ്ചരിച്ചിരുന്ന ബൈക്ക് പിന്നില്‍നിന്നും വേഗത്തിലെത്തി .
മുന്പേ പോകുകയായിരുന്ന ശിവരാമകൃഷ്ണന്‍റെ ബുള്ളറ്റില്‍ ഇടിക്കുകയായിരുന്നു. ഇദ്ദേഹം റോഡിലേക്കു തെറിച്ചുവീണെങ്കിലും ബുള്ളറ്റ് തനിയെ ഓടി മുന്പില്‍ പോയിരുന്ന സ്കൂട്ടറില്‍ ഇടിച്ചു.
സ്കൂട്ടര്‍ യാത്രികനും റോഡിലേക്കു തെറിച്ചു വീണു നിസാര പരിക്കുകള്‍ പറ്റി. വെസ്റ്റ് പോലീസ് സ്ഥലത്തെത്തി മേല്‍നടപടികള്‍ സ്വീകരിച്ചു.
