കോഴി ഫാമിൽ തീപിടിത്തം; രണ്ടുമാസം പ്രായമുള്ള നാലായിരത്തിലധികം കോഴികൾ ചത്തു; ഷോർട്ട് സർക്യൂട്ടാണ് അപകട കാരണമെന്ന് പ്രാഥമിക നി​ഗമനം

സ്വന്തം ലേഖകൻ

കോഴിക്കോട്: കൂടരഞ്ഞി വഴിക്കടവിലെ കോഴി ഫാമിൽ തീപിടുത്തം. രണ്ടുമാസം പ്രായമുള്ള നാലായിരത്തിലധികം കോഴികൾ ചത്തു.

മംഗരയിൽ ബിജുവിന്റെ ഉടമസ്ഥയിലുള്ള കോഴി ഫാമിനാണ് തീ പിടിച്ചത്.

ഷോർട്ട് സർക്യൂട്ടാണ് അപകട കാരണമെന്ന് പ്രാഥമിക നിഗമനം.

മുക്കത്ത് നിന്ന് എത്തിയ ഫയർ ഫോഴ്‌സും നാട്ടുകരും ചേർന്നാണ് തീ അണച്ചത്. ഫാം പൂർണ്ണമായും കത്തിയമർന്ന നിലയിലാണ്.