കോട്ടയം കൊല്ലാട് മദ്യലഹരിയിൽ മകൻ അച്ഛനെ വെട്ടിപ്പരിക്കേൽപ്പിച്ചു; ഒളിവിൽ പോയ മകനായി അന്വേഷണം ഊർജ്ജിതമാക്കി പൊലീസ്

സ്വന്തം ലേഖകൻ
കോട്ടയം: കോട്ടയം കൊല്ലാട് മദ്യലഹരിയിൽ മകൻ അച്ഛനെ വെട്ടിപ്പരിക്കേൽപ്പിച്ചു. കൊല്ലാട് കൊല്ലംകവല കണിയാംപൊയ്കയിൽ ബിജു [58)വിനെയാണ് മകൻ വെട്ടിപ്പരിക്കേൽപ്പിച്ചത്.

ശനിയാഴ്ച രാത്രി ഒൻപതരയോടെയായിരുന്നു സംഭവം. .

കൊല്ലാട് കൊല്ലംകവലയിൽ താമസിക്കുന്ന അച്ഛനും മകനും തമ്മിൽ മദ്യപിച്ച് ഏറ്റുമുട്ടുന്നത് പതിവായിരുന്നു. ഇതിനിടെയാണ് ശനിയാഴ്ച വൈകിട്ട് ഇരുവരും തമ്മിൽ ഏറ്റുമുട്ടിയത്. ഇതേ തുടർന്ന് ബിജുവിന് വെട്ടേൽക്കുകയായിരുന്നു.

ബഹളം കേട്ട് നാട്ടുകാർ വിവരം പൊലീസിൽ അറിയിച്ചു. തുടർന്ന് ഈസ്റ്റ് പൊലീസ് സ്ഥലത്തെത്തി കൈപ്പത്തിക്ക് വേട്ടേറ്റ ബിജുവിനെ കോട്ടയം മെഡിക്കൽ കോളേജിലെത്തിച്ചു. സംഭവത്തിനുശേഷം മകൻ ഓടി രക്ഷപ്പെട്ടു.

കൈയ്ക്കു വെട്ടേറ്റ ബിജുവിന്റെ നില ഗുരുതരമല്ല. കയ്യിൽ നിന്നും രക്തം വാർന്നു പോയിട്ടുണ്ട്. സംഭവത്തിൽ പൊലീസ് കേസെടുത്ത് ഒളിവിൽ പോയ പ്രതിക്കായി അന്വേഷണം ഊർജ്ജിതമാക്കി.