പൊതു ചടങ്ങിൽ വെച്ച് പരിചയപെട്ടു; പിന്നാലെ ഭക്ഷണവുമായി വീട്ടിലും ഫ്ളാറ്റിലും എത്തി;പാര്വതി തിരുവോത്തിനെ ശല്യം ചെയ്ത യുവാവ് വിവാഹിതനും രണ്ടു കുട്ടികളുടെ അച്ഛനും; കൊല്ലം സ്വദേശി പോലീസ് പിടിയിൽ ആയതിങ്ങനെ….
സ്വന്തം ലേഖകൻ
കൊച്ചി: ചലച്ചിത്ര നടി പാര്വതി തിരുവോത്തിനെ ശല്യം ചെയ്ത സംഭവത്തില് അറസ്റ്റിലായ യുവാവിനെ ജാമ്യത്തില് വിട്ടു.
കൊല്ലം സ്വദേശി അഫ്സലിനെ(34)നെയാണ് നടി പാർവതിയുടെ കേസിന്റെ അടിസ്ഥാനത്തിൽ മരട് പോലീസ് അറസ്റ്റ് ചെയ്തത്.
Whatsapp Group 1 | Whatsapp Group 2 |Telegram Group
അന്വേഷണത്തിൽ ഇയാൾക്ക് ഭാര്യയും രണ്ട് കുട്ടികളുമുള്ള ആളാണെന്ന് പോലീസ് കണ്ടെത്തി.
അഫ്സൽ 2017 ബംഗളൂരുവില് നടന്ന ഒരു ചടങ്ങില് വെച്ചാണ് പാര്വതിയെ പരിചയപ്പെടുന്നത്. അതിനുശേഷം 2020-ല് ബംഗളൂരു, കോഴിക്കോട് എന്നിവിടങ്ങളില് നടിയുടെ താമസ സ്ഥലങ്ങളില് ഭക്ഷണ സാധനങ്ങളുമായെത്തി ഇങ്ങനെ പല രീതിയിലും പാർവതിയെ യുവാവ് ശല്യം ചെയ്തു.
കൂടാതെ കഴിഞ്ഞ മാസം 17 ന് പാർവതിയുടെ കൊച്ചിയിലെ ഫ്ളാറ്റിലും ഭക്ഷണ പദാര്ഥങ്ങളുമായി എത്തി ശല്യം ചെയ്തു. ഇത്തരത്തിൽ ശല്യം പല രീതിയിൽ ആയപ്പോഴാണ് പാർവതി പൊലീസിന് പരാതി നൽകിയത്.