നാട്ടുകാരെ ആക്രമിച്ച പോത്തിനെ വെടിവെച്ചു വീഴ്ത്തി; നിരവധി പേർക്ക് പരിക്ക്

സ്വന്തം ലേഖിക

ചാ​ല​ക്കു​ടി: വി​ര​ണ്ടോ​ടി നാ​ട്ടു​കാ​രെ ആ​ക്ര​മി​ച്ച പോ​ത്തി​നെ പൊലീസും ഫോറസ്റ്റ് ടാസ്ക് ഫോഴ്സും ചേർന്ന് വെ​ടി​വെ​ച്ചു വീ​ഴ്ത്തി.

ഇ​ന്ന​ലെ പു​ല​ര്‍​ച്ചെ നാ​ലോ​ടെ ച​ട്ടി​ക്കു​ള​ത്ത് ക​ശാ​പ്പി​നാ​യി കൊ​ണ്ടു​വ​ന്ന പോ​ത്താ​ണു വി​ര​ണ്ടോ​ടി​യ​ത്. പോ​ത്തി​ന്‍റെ ആ​ക്ര​മ​ണ​ത്തി​ല്‍ നാ​ട്ടു​കാ​ര്‍​ക്ക് പ​രി​ക്കേ​റ്റു.

കു​ണ്ടു​കു​ഴി​പാ​ടം ചാ​ക്കാ​ല​യ്ക്ക​ല്‍ ദേ​വ​സി​ക്കു​ട്ടി (55), ജോ​ഷി വേ​ലം​പ്ലാ​വ് (45) എ​ന്നി​വ​ര്‍​ക്കാ​ണു പ​രി​ക്കേ​റ്റ​ത്.

മു​ഖ​ത്തു പ​രി​ക്കേ​റ്റ ദേ​വ​സി​ക്കു​ട്ടി​യെ ചാ​ല​ക്കു​ടി​യി​ലെ സ്വ​കാ​ര്യ ആ​ശു​പ​ത്രി​യി​ല്‍ പ്ര​വേ​ശി​പ്പി​ച്ചു. ഓ​ട്ട​പാ​ച്ചി​ലി​നി​ട​യി​ലാ​ണ് റോ​ഡി​ലൂ​ടെ പോ​യി​രു​ന്ന ര​ണ്ടു​പേ​രെ ഇ​ടി​ച്ചു വീ​ഴ്ത്തി​യ​ത്.

പാ​ഞ്ഞു​വ​രു​ന്ന പോ​ത്തി​നെ​ ക​ണ്ട് ഓ​ടി​ര​ക്ഷ​പ്പെ​ടു​ന്ന​തി​നി​ട​യി​ല്‍ കു​ട്ടി​ക​ള​ട​ക്കം നി​ര​വ​ധി​പേ​ര്‍​ക്കു വീ​ണു പ​രി​ക്കേ​റ്റി​ട്ടു​ണ്ട്. മാ​രാം​കോ​ട്, കു​ണ്ടു​കു​ഴി​പാ​ടം വ​ഴി​യി​ലൂ​ടെ ഓ​ടി​യ പോ​ത്ത് മാ​രാം​കോ​ട് വ​ച്ച്‌ വ​ന​ത്തി​ലേ​ക്കു ക​യ​റി​യെ​ങ്കി​ലും അ​ധി​കം താ​മ​സി​യാ​തെ കൂ​ര്‍​ക്ക​മ​റ്റ​ത്തെ​ത്തി.

വെ​ള്ളി​ക്കു​ള​ങ്ങ​ര പോ​ലീ​സി​ന്‍റെ​യും കോ​ട​ശേ​രി പ​ഞ്ചാ​യ​ത്ത് പ്ര​സി​ഡ​ന്‍റ് ഡെ​ന്നി വ​ര്‍​ഗീ​സി​ന്‍റെ​യും സാ​ന്നി​ധ്യ​ത്തി​ല്‍ ഫോ​റ​സ്റ്റ് ടാ​സ്ക് ഫോ​ഴ്സ് മെ​ന്പ​ര്‍ വ​ര്‍​ഗീ​സ് മാ​ള​ക്കാ​ര​ന്‍ കു​റ്റി​ക്കാ​ട് ഭാ​ഗ​ത്തു​വച്ച്‌ പോ​ത്തി​നെ വെ​ടി​വ​ച്ചു വീ​ഴ്ത്തു​ക​യാ​യി​രു​ന്നു. പരിക്കേറ്റവരെ ആശുപത്രിയിൽ പ്രവേശിപ്പിച്ചു.