കോട്ടയം നീണ്ടൂരിൽ ഓവർ ടേക്കിംഗിനിടെ സ്വകാര്യ ബസ് കാറുകളില്‍ ഇടിച്ചു; ഈ ഭാഗത്ത് വാഹനാപകടം പതിവെന്ന് പരാതി

സ്വന്തം ലേഖിക

ഏറ്റുമാനൂര്‍: നീണ്ടൂര്‍ പ്രാലേല്‍ പാലത്തിനു സമീപമുള്ള വളവില്‍ മറ്റൊരു വാഹനത്തെ മറികടക്കാൻ ശ്രമിക്കുന്നതിനിടെ സ്വകാര്യ ബസ് കാറുകളില്‍ ഇടിച്ചു.

ആര്‍ക്കും പരിക്കില്ല. ചൊവ്വാഴ്ച്ച വൈകുന്നേരമാണ് സംഭവം.

കോട്ടയം വൈക്കം റൂട്ടിലോടുന്ന സ്വകാര്യ ബസാണ് ഇടിച്ചത്.

പാലത്തിന് സമീപം വീതികുറഞ്ഞ ഭാഗത്ത് പാര്‍ക്ക് ചെയ്തിരുന്ന ലോറിയെ മറികടന്ന് ബസ് പാലത്തിലേക്ക് കയറാന്‍ ശ്രമിക്കവേ മുന്‍പിലുണ്ടായിരുന്ന കാറിലും, എതിരെ വന്ന മറ്റൊരു കാറിലും ഇടിക്കുകയായിരുന്നു.

അപകടത്തില്‍ വാഹനങ്ങള്‍ക്ക് കേടുപാടുകള്‍ സംഭവിച്ചിട്ടുണ്ട്.

അടുത്ത കാലത്ത് പാലത്തിലും സമീപത്തുമായി അപകടങ്ങള്‍ പതിവാകുന്നതായി നാട്ടുകാര്‍ പറഞ്ഞു. എന്നാൽ യാതൊരു നടപടിയും ഇതിനെതിനെ ഉണ്ടായിട്ടില്ല.