അടിച്ചിറയിൽ നിർത്തിയിട്ടിരുന്ന ടിപ്പറിൽ കാർ ഇടിച്ചു; അപകടത്തെ തുടർന്ന് ബോധരഹിതനായ കാർ ഡ്രൈവറെ തെള്ളകത്തെ സ്വകാര്യ ആശുപത്രിയിൽ പ്രവേശിപ്പിച്ചു

സ്വന്തം ലേഖകൻ

ഏറ്റുമാനൂർ: ഏറ്റുമാനൂർ അടിച്ചിറയിൽ അപടം.

റോഡരികിൽ നിർമ്മാണ പ്രവർത്തനങ്ങൾ നടക്കുന്ന സ്ഥലത്ത് നിർത്തിയിട്ടിരുന്ന ടിപ്പർ ലോറിക്ക് പിന്നിൽ കാർ വന്നിടിക്കുകയായിരുന്നു.

ചൊവ്വാഴ്ച രാവിലെ 11മണിയോടെയാണ് അപകടം നടന്നത്. എംസി റോഡിൽ അടിച്ചിറ ഭാഗത്ത് റോഡിന്റെ നിർമ്മാണ പ്രവർത്തനത്തിനായി കല്ലിറക്കാൻ കൊണ്ടുവന്ന ടിപ്പർ ലോറിയിലാണ് ഏറ്റുമാനൂർ ഭാഗത്ത് നിന്നും കോട്ടയത്തേക്ക് പോകുകയായിരുന്ന കാർ വന്നിടിച്ചത്.

എതിർവശത്ത് നിന്നും വാഹനം വരുന്നത് കണ്ട് കാർ വെട്ടിച്ച് മാറ്റിയപ്പോൾ ടിപ്പറിൽ ഇടിക്കുകയായിരുന്നു.

ഇടിയുടെ ആഘാതത്തിൽ കാറിന്റെ ഒരുഭാഗം പൂർണമായും തകർന്നു.

അപകടത്തെ തുടർന്ന് ഡ്രൈവർ ബോധരഹിതനായതോടെ പിന്നോട്ടുരുണ്ട കാർ മറ്റൊരു കാറിലും ചെന്ന് തട്ടുകയായിരുന്നു.