കോട്ടയം ബേക്കർ ജംഗ്ഷനിൽ നിയന്ത്രണം വിട്ട കാർ കുഴിയിലേക്ക് വീണു; കാർ വീണത് പാർക്ക് ചെയ്തിരുന്ന ബുള്ളറ്റിന് മുകളിലേക്ക്

സ്വന്തം ലേഖകൻ

കോട്ടയം: കോട്ടയം ബേക്കർ ജംഗ്ഷനിൽ നിയന്ത്രണം വിട്ട കാർ മറ്റൊരു കാറിലിടിച്ച് കുഴിയിലേക്ക് മറിഞ്ഞു.

ഇന്ന് ഉച്ചയോടു കൂടിയാണ് അപകടം നടന്നത്.

ചുങ്കം സ്വദേശിയായ റിട്ട ക്യാപ്റ്റൻ കോശി വർഗീസും( 70) ഭാര്യയും സഞ്ചരിച്ചിരുന്ന കാറാണ് അപകടത്തിൽപ്പെട്ടത്.

നഗരത്തിൽ നിന്ന് ഷോപ്പിങ് കഴിഞ്ഞ് ബേക്കർ ജംഗ്ഷനിലെ കയറ്റം കയറി വന്ന കാർ എതിർദിശയിൽ വന്ന കാറിനെ ഇടിക്കാതിരിക്കാൻ വെട്ടിച്ചപ്പോഴാണ് അപകടം നടന്നത്.

അപകടം ഒഴിവാക്കാനായി വെട്ടിച്ച് കാർ കട്ടിംഗിന് താഴെ പാർക്ക് ചെയ്തിരുന്ന ബുള്ളറ്റിന്റെ മുകളിലേക്ക് വീഴുകയായിരുന്നു.

അപകടത്തിൽ ആർക്കും ഗുരുതരമായ പരിക്കില്ല.