കോവിഡ് നിയമനങ്ങളുടെ പേരിൽ കോട്ടയം ജില്ലാ ആശുപത്രിയിൽ നടക്കുന്നത് തീവെട്ടിക്കൊള്ള; ഇഷ്ടക്കാരെ തിരുകി കയറ്റാൻ ഉദ്യോഗസ്ഥർ മൽസരിക്കുന്നു; എം എൽഎയുടെ പേഴ്സണൽ സ്റ്റാഫിനും പങ്ക്

സ്വന്തം ലേഖകൻ

കോട്ടയം: കോവിഡിൻ്റെ മറവിൽ താല്കാലിക ജീവനക്കാരെ തിരുകി കയറ്റാൻ ഉദ്യോഗസ്ഥരും, ജനപ്രതിനിധികളും മൽസരിക്കുന്നു.

കോവിഡ് രണ്ടാം തരംഗം ആഞ്ഞടിച്ചതോടെ പ്രതിരോധ പ്രവർത്തനങ്ങളുടെ ഭാഗമായി നിരവധി താല്കാലിക ജീവനക്കാരെ എല്ലാ ജില്ലകളിലും ആരോഗ്യ വകുപ്പിൽ നിയമിച്ചിരുന്നു.

കോട്ടയം ജില്ലാ ആശുപത്രിയിൽ ഹൗസ് സർജന്മാരുടെ 60 ഒഴിവുകളിലേക്കായി 129 പേരാണ് അപേക്ഷിച്ചിരുന്നത്.

60 നിയമനങ്ങൾ നടത്തുകയും 69 പേർ വെയ്റ്റിംഗ് ലിസ്റ്റിലുമായി.ഇപ്പോൾ ഒരൊഴിവ് ഉണ്ടായപ്പോൾ വെയ്റ്റിംഗ് ലിസ്റ്റിലെ ഒന്നാമനെ നിയമിക്കുന്നതിന് പകരം 61-) മനെ നിയമിക്കാൻ ശ്രമിക്കുന്നതായാണ് പരാതി. അനധികൃത നിയമനം നടത്തണമെന്നാവശ്യപ്പെട്ട് കോട്ടയം ജില്ലയിലെ യുഡിഎഫ് ഘടകകക്ഷി എംഎൽഎയുടെ പേഴ്സണൽ സ്റ്റാഫ് നിർബന്ധം പിടിക്കുന്നതായാണ് ആരോപണം