ന്യുനമര്ദ്ദ പാത്തി; സംസ്ഥാനത്ത് ഇന്നും വ്യാപക മഴയ്ക്ക് സാധ്യത; 12 ജില്ലകളില് യെല്ലോ അലര്ട്ട്; മത്സ്യത്തൊഴിലാളികള് കടലില് പോകരുതെന്നും നിർദ്ദേശം
സ്വന്തം ലേഖിക തിരുവനന്തപുരം: സംസ്ഥാനത്ത് ഇന്നും വ്യാപക മഴയ്ക്ക് സാധ്യത. ഒറ്റപ്പെട്ടയിടങ്ങളില് ശക്തമായ മഴ ലഭിക്കും. തിരുവനന്തപുരം, കൊല്ലം ഒഴികെയുള്ള 12 ജില്ലകളില് ഇന്നും നാളെയും യെല്ലോ അലര്ട്ടാണ്. മത്സ്യത്തൊഴിലാളികള് കടലില് പോകരുതെന്ന് നിര്ദ്ദേശമുണ്ട്. വടക്കന് കേരളത്തിലെ മലയോരമേഖലകളില് കൂടുതല് മഴ കിട്ടിയേക്കും. ശക്തമായ കാലവര്ഷക്കാറ്റിനൊപ്പം കര്ണാടക തീരം മുതല് വടക്കന് മഹാരാഷ്ട്ര തീരം വരെ നിലനില്ക്കുന്ന ന്യുനമര്ദ്ദ പാത്തിയുമാണ് ഈ ദിവസങ്ങളില് മഴ കനക്കുന്നതിന് കാരണം.