അപ്പൂ… മടങ്ങിവരൂ, കാത്തിരിക്കുന്നു നാട്; മൂലവട്ടത്ത് നിന്നും കാണാതായ നായക്ക് വേണ്ടി തിരച്ചില്‍ ഊര്‍ജ്ജിതം
സ്വന്തം ലേഖകന്‍ കോട്ടയം: ” അവന്‍ അങ്ങനെ ദൂരേയ്‌ക്കൊന്നും പോകാറില്ല. എപ്പോഴും ഞങ്ങളുടെ കൂടെ കാണും. ആരെങ്കിലും എടുത്ത്‌കൊണ്ടു പോയിക്കാണാനാണ് സാധ്യത. മടങ്ങിവരുമെന്ന് ഉറപ്പുണ്ട്.”- നാട്ടുകാരുടെ പൊന്നോമനയായ അപ്പുവിനെക്കുറിച്ച് പറയുമ്പോള്‍ പ്രദേശവാസിയായ വിഷ്ണുവിന്റെ വാക്കുകളിടറി. മൂലവട്ടം മുപ്പായിക്കാട് സ്‌കൂളിന് സമീപത്ത് നിന്നും ഇന്നലെ വൈകുന്നേരം കാണാതായ അപ്പു എന്ന നായക്കുട്ടിക്ക് വേണ്ടി കാത്തിരിക്കുകയാണ് നാട്. അപ്പുവിന്റെ ഉടമയും കുടുംബവും യാത്ര പോയിരുന്നതിനാല്‍ സമീപത്തുള്ള യുവാവിന്റെ പക്കല്‍ ഏല്‍പ്പിച്ചാണ് മടങ്ങിയത്. നല്ലരീതിയില്‍ അപ്പുവിനെ പരിചരിച്ചിരുന്ന യുവാവിനെ ധര്‍മ്മസങ്കടത്തിലാക്കിയിരിക്കുകയാണ് അപ്രതീക്ഷിത തിരോധനം. കഴുത്തില്‍ കറുത്ത ബെല്‍റ്റ് ധരിച്ചിട്ടുണ്ട്. […]
