തമിഴ്‌നാട്ടില്‍ ബി.ജെ.പി അക്കൗണ്ട് തുറക്കില്ലെന്ന് ഡി.എം.കെ സർവേ ഫലം.
ചെന്നെപുതുച്ചേരിയിലും തമിഴ്നാട്ടിലുമായി 39 സീറ്റ് ഇൻഡ്യ സഖ്യം നേടുമെന്ന് ഡി.എം.കെയുടെ ആഭ്യന്തര സർവേ റിപ്പോർട്ടില്‍ പറയുന്നു.
തമിഴ്നാട്ടിലെ 39 സീറ്റിലും പുതുച്ചേരിയിലും ഡി.എം.കെ നടത്തിയ സർവ്വേയുടെ വിവരങ്ങളാണ് പുറത്തുവന്നത്.
32 സീറ്റില്‍ ഡി.എം.കെ മുന്നണി അനായാസ ജയം നേടും. ഏഴ് സീറ്റില്‍ ഇഞ്ചോടിഞ്ച് പോരാട്ടം നടക്കാൻ സാധ്യത ഉണ്ടെങ്കിലും നേരിയ ഭൂരിപക്ഷത്തിന് പാർട്ടി ജയിക്കും. ത്രികോണ മത്സരം നടന്ന കോയമ്ബത്തൂർ,
തേനി, തിരുനെല്‍വേലി, രാമനാഥപുരം, പൊള്ളാച്ചി, തിരുച്ചിറപ്പള്ളി, കള്ളക്കുറിച്ചി എന്നീ സീറ്റുകളിലും കടുത്ത പോരാട്ടമെന്നാണ് ഡി.എം.കെ സർവേ ഫലം.
Whatsapp Group 1 | Whatsapp Group 2 |Telegram Group
അതേസമയം പാർട്ടി നേതാക്കളാരും സർവ്വേയിലെ വിവരങ്ങള്‍ പരസ്യമായി സ്ഥിരീകരിച്ചിട്ടില്ല. ഏഴ് ഘട്ടങ്ങളിലായി നടന്ന ലോക്സഭാ തെരഞ്ഞെടുപ്പില്‍ ആദ്യഘട്ടമായ ഏപ്രില്‍ 19നായിരുന്നു തമിഴ്നാട്ടിലും
പുതുച്ചേരിയിലും വോട്ടെടുപ്പ് നടന്നത്. ജൂണ്‍ നാലിനാണ് വോട്ടെണ്ണല്‍.
