റബർ കർഷക ശാപം ഏറ്റുവാങ്ങരുത്‌ ; റബർ ആക്ട് റദ്ദാക്കാനും റബർ ബോർഡ് ഇല്ലാതാക്കാനുമുള്ള നടപടികളിൽ നിന്നും കേന്ദ്രസർക്കാർ പിൻവാങ്ങണം : അഡ്വ.ടോമി കല്ലാനി
സ്വന്തം ലേഖകൻ റബർ ആക്ട് റദ്ദാക്കാനും റബർ ബോർഡ് പിരിച്ചുവിടാനുള്ള കേന്ദ്ര വാണിജ്യ മന്ത്രാലയത്തിന്റെ ഗൂഢനീക്കങ്ങൾക്ക് തടയിടാൻ സംസ്ഥാന സർക്കാരും കേരളത്തിൽ നിന്നുള്ള മുഴുവൻ എംപിമാരും രാഷ്ട്രീയകക്ഷി ഭേദം മറന്ന് കേന്ദ്രസർക്കാരിൽ ശക്തമായ സമ്മർദ്ദം ചെലുത്തണമെന്ന് കെ.പി.സി.സി ജനറൽ സെക്രട്ടറി അഡ്വ.ടോമി കല്ലാനി ആവശ്യപ്പെട്ടു. കിഴക്കൻ ഏഷ്യൻ രാജ്യങ്ങളിൽ നിന്നും ഇന്ത്യയ്ക്ക് ആവശ്യമായ റബർ ഇറക്കുമതി ചെയ്ത് കർഷകരെ ദ്രോഹിക്കാനും അതുവഴി റബർകൃഷിയുടെ അന്ത്യം കുറിയ്ക്കുവാനുമാണ് കേന്ദ്ര വാണിജ്യ മന്ത്രാലയം തയ്യാറെടുക്കുന്നത്. കോവിഡിന്റെ പശ്ചാത്തലത്തിൽ കർഷകരിൽ നിന്നും ശക്തമായ പ്രതിഷേധം ഉയരാൻ ഇടയില്ല എന്ന് […]
