അജ്ഞാതവാഹനം ഇടിച്ച്‌ പരിക്കേല്‍ക്കുന്നവര്‍ക്ക് ചികിത്സയും നഷ്ടപരിഹാരവും ഉറപ്പുവരുത്തി കേന്ദ്രസർക്കാർ
സ്വന്തം ലേഖകൻ തിരുവനന്തപുരം: അജ്ഞാതവാഹനം ഇടിച്ച്‌ പരിക്കേല്‍ക്കുന്നവര്‍ക്ക് ചികിത്സയും നഷ്ടപരിഹാരവും ഉറപ്പുവരുത്തി കേന്ദ്രസർക്കാർ. പദ്ധതിക്ക് അന്തിമരൂപമായി. ഒന്നര ലക്ഷം രൂപയുടെ സൗജന്യ ചികിത്സയാണ് ലഭിക്കുക. അപകടത്തില്‍ പരിക്കേല്‍ക്കുന്നവര്‍ക്കെല്ലാം ഈ സൗജന്യത്തിന് അര്‍ഹതയുണ്ട്. തേര്‍ഡ്പാര്‍ട്ടി ഇന്‍ഷുറന്‍സ് പ്രീമിയത്തില്‍ 0.1 ശതമാനം വര്‍ധന വരുത്തിയാണ് നഷ്ടപരിഹാരം നല്‍കുക. ഇതിനായി ഇന്‍ഷുറന്‍സില്‍നിന്നു നിശ്ചിത ശതമാനം മാറ്റിവെക്കും. ദേശീയപാതാവിഭാഗം വിവിധ സേവനങ്ങള്‍ക്ക് സെസ് ഈടാക്കി സ്വരൂപിക്കുന്ന തുകയില്‍നിന്നും നഷ്ടപരിഹാരവും സൗജന്യ ചികിത്സയും നല്‍കുന്ന കാര്യവും പരിഗണനയിലുണ്ട്.
