എം.സി റോഡിൽ ചിങ്ങവനത്തെ ബസ് അപകടം: പരിക്കേറ്റത് 53 പേർക്ക്; ഗുരുതരമായി പരിക്കേറ്റ യുവതികൾ അടക്കം നാലു പേർ മെഡിക്കൽ കോളേജ് ആശുപത്രിയിൽ: ഡ്രൈവർ ഉറങ്ങിയത് അപകടകാരണമെന്ന് സംശയം

സ്വന്തം ലേഖകൻ ചിങ്ങവനം: എം.സി റോഡിൽ ചിങ്ങവനം പുത്തൻപാലത്ത് സ്വകാര്യ ബസ് നിയന്ത്രണം വിട്ട് പോസ്റ്റിലിടിച്ച് മറിഞ്ഞ സംഭവത്തിൽ പരിക്കേറ്റത് 53 യാത്രക്കാർക്ക്. ചിങ്ങവനം, കുറിച്ചി, ചങ്ങനാശേരി, പനച്ചിക്കാട് സ്വദേശികളാണ് അപകടത്തിൽ പരിക്കേറ്റവരിൽ ഏറെയും. അപകടത്തിൽ സാരമായി പരിക്കേറ്റ നാലു പേരെ മെഡിക്കൽ കോളേജ് ആശുപത്രിയിൽ വിദഗ്ധ ചികിത്സയ്ക്ക് പ്രവേശിപ്പിച്ചിട്ടുണ്ട്. കുറിച്ചി എസ്.പുരം മുട്ടത്ത്കടവിൽ കേശവൻ (79), ആലപ്പുഴ കൈനകരി കായത്തറച്ചിറ മനീഷ് (30), പനച്ചിക്കാട് സ്വദേശി കൃഷ്ണപ്രിയ (22), മറിയപ്പള്ളി സ്വദേശി ശരണ്യ (33) എന്നിവരെയാണ് പരിക്കുകളോടെ മെഡിക്കൽ കോളേജ് ആശുപത്രിയിൽ പ്രവേശിപ്പിച്ചിരിക്കുന്നത്. […]