പൊള്ളലേറ്റതുപോലെ ത്വക്ക് അടരും; സ്രവം ശരീരത്തില്‍ പുരണ്ടാല്‍ ആ ഭാഗം ചുവന്ന് തടിക്കും; സംസ്ഥാനത്ത് വീണ്ടും ബ്ലിസ്റ്റര്‍ ബീറ്റില്‍ വണ്ടിന്റെ ആക്രമണം
സ്വന്തം ലേഖകന്‍ ആലപ്പുഴ: സംസ്ഥാനത്ത് വീണ്ടും ബ്ലിസ്റ്റര്‍ ബീറ്റില്‍ വണ്ടിന്റെ ആക്രമണം. കൊച്ചിക്ക് പിന്നാലെ ആലപ്പുഴയിലാണ് വണ്ട് ശല്യം റിപ്പോര്‍ട്ട് ചെയ്തിരിക്കുന്നത്. ആലപ്പുഴ ഇന്ദിരാ ജംങ്ഷനു സമീപമുള്ള ഇന്ത്യന്‍ ഓയില്‍ പെട്രോള്‍ പമ്ബ് മാനേജര്‍ തോണ്ടന്‍കുളങ്ങര നികര്‍ത്തില്‍ രഞ്ജിത് രമേശനാണ് ത്വക്കില്‍ പൊള്ളലേല്‍പ്പിക്കുന്ന വണ്ടിന്റെ ആക്രമണത്തിന് ഇരയായത്. ഇടതുകാലിന്റെ മുട്ടിനു സമീപം ചൊറിച്ചിലോടെയായിരുന്നു തുടക്കമെന്ന് രഞ്ജിത് രമേശന്‍ പറയുന്നു. അടുത്ത ദിവസമായപ്പോള്‍ ആ ഭാഗത്ത് പൊള്ളലേറ്റതുപോലെ തൊക്ക് അടരാന്‍ തുടങ്ങി. തുടര്‍ന്ന് നടത്തിയ വൈദ്യ പരിശോധനയിലാണ് ബ്ലിസ്റ്റര്‍ ബീറ്റില്‍ എന്നയിനം വണ്ട് കുത്തിയതാണെന്ന് തിരിച്ചറിഞ്ഞത്. […]
