അത്താണി കൊലപാതകം :അഞ്ച് പേർ അറസ്റ്റിൽ
സ്വന്തം ലേഖിക കൊച്ചി : നെടുമ്പാശ്ശേരി അത്താണിയിൽ യുവാവിനെ വെട്ടിക്കൊലപ്പെടുത്തിയ കേസിൽ അഞ്ച് പേരെ പോലീസ് അറസ്റ്റ് ചെയ്തു. ഗുണ്ടാ സംഘത്തിൽപ്പെട്ടവരാണ് അറസ്റ്റിലായത്. കൂടുതൽ പ്രതികൾക്കു വേണ്ടി പോലീസ് അന്വേഷണം തുടരുകയാണ്. ഇക്കഴിഞ്ഞ ഞായറാഴ്ച്ച രാത്രിയാണ് നിരവധി ക്രിമിനൽ കേസുകളിൽ പ്രതിയായ തുരുത്തിശ്ശേരി സ്വദേശി ബിനോയിയെ നടുറോഡിൽ വെച്ച് ഒരു സംഘം വെട്ടിക്കൊലപ്പെടുത്തിയത്. നാട്ടുകാർ നോക്കിനിൽക്കെയായിരുന്നു കാറിലെത്തിയ സംഘം ബിനോയിയെ ആക്രമിച്ചത്. അരുംകൊലയുടെ സിസിടിവി ദൃശ്യങ്ങളും പുറത്തുവന്നിരുന്നു. ഗുണ്ടകൾ തമ്മിലുളള വൈരാഗ്യമാണ് കൊലപാതക കാരണമെന്ന് നേരത്തെതന്നെ തിരിച്ചറിഞ്ഞ പോലീസ് പ്രതികളെ തന്ത്രപരമായി പിടികൂടുകയായിരുന്നു. […]
