എസ്.ബി.ഐയില്‍ നിന്ന് കാണാതായത് 11 കോടിയുടെ നാണയങ്ങള്‍; സി ബി ഐ അന്വേഷണം ആരംഭിച്ചു
സ്വന്തം ലേഖിക
ന്യൂഡല്‍ഹി: രാജസ്ഥാനിലെ കരൗളി എസ്.ബി.ഐ ബ്രാഞ്ചില്‍ നിന്ന് 11 കോടിയുടെ നാണയങ്ങള്‍ കാണാതായ കേസില്‍ സി.ബി.ഐ അന്വേഷണം ആരംഭിച്ചു.
ബാങ്കിലെ 15 മുന്‍ ഉദ്യോഗസ്ഥരുടെ വീടുകളിലാണ് പരിശോധന നടത്തിയത്. 2021 ആഗസ്റ്റില്‍ കണക്കില്‍ സംശയം തോന്നിയതിനെ തുടര്‍ന്ന് പണം എണ്ണിത്തിട്ടപ്പെടുത്താന്‍ ബാങ്ക് തീരുമാനിച്ചതോടെയാണ് നാണയം കാണാതായ വിവരം പുറത്തറിഞ്ഞത്.
കണക്കുകള്‍ പ്രകാരം ബാങ്കിന്‍റെ നിലവറയില്‍ 13 കോടിയുടെ കോയിന്‍ ഉണ്ടായിരുന്നു. എന്നാല്‍, പരിശോധനയില്‍ 3000 ബാഗുകളിലായി സൂക്ഷിച്ച രണ്ടു കോടിയുടെ നാണയങ്ങള്‍ മാത്രമാണ് കണ്ടെത്താന്‍ കഴിഞ്ഞത്. 11 കോടിയുടെ നാണയങ്ങള്‍ മോഷണം പോയതായും കണ്ടെത്തി.
Whatsapp Group 1 | Whatsapp Group 2 |Telegram Group
നാണയം എണ്ണിത്തിട്ടപ്പെടുത്തിയ സ്വകാര്യ വെണ്ടര്‍മാരെ ബാങ്കിലെ ഉദ്യോഗസ്ഥര്‍ ഭീഷണിപ്പെടുത്തിയതായും പരാതി ഉണ്ടായിരുന്നു. തുടര്‍ന്ന് സംഭവത്തില്‍ അന്വേഷണം ആവശ്യപ്പെട്ട് എസ്.ബി.ഐ രാജസ്ഥാന്‍ ഹൈകോടതിയെ സമീപിക്കുകയായിരുന്നു.
