റോഡിന്റെ മീഡിയനുകളിലും കൈവരികളിലും കൊടികൾ സ്ഥാപിക്കുന്നവർക്കെതിരെ കേസെടുക്കാൻ ഹൈക്കോടതി ഉത്തരവിട്ടു

സ്വന്തം ലേഖകൻ

കൊച്ചി: റോഡിൻറെ മീഡിയനുകളിലും കൈവരികളിലും ബോർഡുകളും കൊടികളും സ്ഥാപിക്കുന്നവർക്കെതിരേ കേസെടുക്കണമെന്ന് കേരള ഹൈക്കോടതിയുടെ ഉത്തരവ് . ഫ്‌ളക്‌സ് നിരോധന വിഷയത്തിൽ സംസ്ഥാന സർക്കാരിനെതിരേ രൂക്ഷമായി വിമർശിച്ചതിന് തൊട്ടുപിന്നാലെയാണ് കോടതി ഉത്തരവിട്ടത് .

ഫ്‌ളക്‌സ് നിരോധനം കാര്യക്ഷമമായി നടപ്പാക്കാത്തതിനെ തുടർന്നാണ് കോടതി സർക്കാരിനെ കടുത്ത ഭാഷയിൽ വിമർശിച്ചത്. ഉത്തരവുകൾ നടപ്പാക്കാൻ സർക്കാരിന് കഴിയില്ലെങ്കിൽ ഉത്തരവുകൾ പിൻവലിക്കാമെന്ന് കോടതി വ്യക്തമാക്കിയിരുന്നു.

കോടതിയുടെ മുൻപിൽ നിൽക്കുമ്പോൾ സർക്കാരിന് ആത്മാർത്ഥത വേണമെന്നും പറഞ്ഞു. കഴിഞ്ഞ ഒന്നര വർഷത്തിനിടെ നിരവധി ഉത്തരവുകൾ ഇറങ്ങിയിട്ടും അതു നടപ്പാക്കാനായില്ലെന്നും കോടതി കുറ്റപ്പെടുത്തി.