പാലക്കാട്: വിവാഹ വീട്ടില് വോട്ട് തേടിയെത്തിയ പി സരിന്റെ ഹസ്തദാനം നിരസിച്ച് രാഹുല് മാങ്കൂട്ടത്തിലും ഷാഫിയും.
ഉപതെരഞ്ഞെടുപ്പ് പ്രചാരണം ആവേശത്തോടെ തുടരുന്നതിനിടെയാണ് കല്യാണ വീട്ടില് വോട്ട് തേടിയെത്തിയ പാലക്കാട്ടെ എല്ഡിഎഫ് സ്ഥാനാര്ത്ഥി പി സരിനും കോണ്ഗ്രസ് സ്ഥാനാര്ത്ഥി രാഹുല് മാങ്കൂട്ടത്തിലും പരസ്പരം കണ്ടത്. രാഹുലിനും ഒപ്പമുണ്ടായിരുന്ന ഷാഫിക്കും ഹസ്തദാനം നല്കാൻ സരിന് കൈനീട്ടിയിട്ടും കൂസാതെ ഇരുവരും നടന്ന് നീങ്ങി.
നിരവധി തവണ രാഹുലിനെയും ഷാഫിയെയും സരിന് വിളിച്ചെങ്കിലും തിരിഞ്ഞുനോക്കാതെ ഇരുവരും നടന്ന് പോവുകയായിരുന്നു. സരിൻ്റെ സാന്നിധ്യത്തില് കോണ്ഗ്രസ് വിമത നേതാവ് എ വി ഗോപിനാഥിനെ രാഹുല് മാങ്കൂട്ടത്തില് ചേർത്തുപിടിച്ചു.
Whatsapp Group 1 | Whatsapp Group 2 |Telegram Group
എല്ലാം ജനങ്ങള് കാണുന്നുണ്ടെന്ന് സരിൻ മാധ്യമങ്ങളോട് പ്രതികരിച്ചു. തനിക്ക് കപടമുഖമില്ലെന്നും പി സരിന് കൈകൊടുക്കാൻ പ്രയാസമുണ്ടെന്നും രാഹുല് മാങ്കൂട്ടത്തില് പറഞ്ഞു. ചെയ്യുന്നതെല്ലാം ആത്മാർത്ഥമായിട്ടാണ്. ചാനലുകള്ക്ക് മുമ്ബില് അഭ്യാസം കാണിക്കാൻ പ്രയാസമുണ്ടെന്നും രാഹുല് മാങ്കൂട്ടത്തില് കൂട്ടിച്ചേര്ത്തു.
