സ്വന്തം ലേഖിക
കോട്ടയം: പുതുപ്പള്ളി ഉപതെരഞ്ഞെടുപ്പിനോട് അനുബന്ധിച്ച് മണ്ഡലത്തിന്റെ പരിധിയില് നടത്തിയ പരിശോധനയില് ലഹരി വസ്തുക്കള് പിടിച്ചെടുത്തു.
ഇതുവരെ പൊലീസ്, ഫ്ളയിംഗ് സ്ക്വാഡ്, സ്റ്റാറ്റിക് സര്വൈലന്സ് ടീം എന്നിവരുടെ നേതൃത്വത്തില് 70.1 ലിറ്റര് മദ്യവും എക്സൈസ് വകുപ്പിന്റെ പരിശോധനയില് 1564.53 ലിറ്റര് മദ്യവും പിടിച്ചെടുത്തിട്ടുണ്ടെന്ന് അധികൃതര് അറിയിച്ചു.
Whatsapp Group 1 | Whatsapp Group 2 |Telegram Group
തെരഞ്ഞെടുപ്പിന്റെ പശ്ചാത്തലത്തില് പരിശോധന ശക്തമാക്കിയതോടെ ഇതുവരെ 1634.63 ലിറ്റര് മദ്യമാണ് പൊലീസ്, എക്സൈസ്, വിവിധ സ്ക്വാഡുകള് എന്നിവ പിടിച്ചെടുത്തത്. പിടിച്ചെടുത്ത മദ്യത്തിന്റെ മൂല്യം 5,15,353.50 രൂപയാണ്.
വിവിധ സ്ക്വാഡുകളുടെ പരിശോധനയില് 6.77 കിലോഗ്രാം കഞ്ചാവ്, ഒരു കഞ്ചാവ് ചെടി, 158.68 ഗ്രാം എം.ഡി.എം.എ, ഒന്പത് കിലോഗ്രാം പുകയില, 75 പാക്കറ്റ് പുകയില വസ്തുക്കള്, 12 ഗ്രാം നൈട്രോസെഫാം ഗുളികകള്, 48 പാക്കറ്റ് ഹാന്സ്, 2 ഗ്രാം ഹാഷിഷ് ഓയില് എന്നിവ ഉള്പ്പെടെ 4,24,189 രൂപ മൂല്യമുള്ള ലഹരി വസ്തുക്കളും പിടികൂടിയിട്ടുണ്ടെന്ന് ഉദ്യോഗസ്ഥര് അറിയിച്ചു.
