തിരുവനന്തപുരം: മുന് മുഖ്യമന്ത്രി പിണറായി വിജയനെ വിമാനത്തില് വെച്ച് വധിക്കാന് ശ്രമിച്ച കേസിലെ ഗുരുതര വകുപ്പ് ഒഴിവാക്കി പൊലീസ്. വ്യോമയാന നിയമത്തിലെ വകുപ്പാണ് ഒഴിവാക്കിയത്. കേന്ദ്രം എതിര്ത്തിട്ടും സംസ്ഥാനം ചുമത്തിയ വകുപ്പാണ് ഇപ്പോള് ഒഴിവാക്കിയിരിക്കുന്നത്.
വകുപ്പ് ഒഴിവാക്കിയുള്ള അന്തിമ റിപ്പോര്ട്ട് തിരുവനന്തപുരം പ്രിന്സിപ്പല് സെഷന്സ് കോടതിയില് സമര്പ്പിച്ചു. സംഭവം നടന്ന് നാല് വര്ഷത്തിന് ശേഷമാണ് കേസില് റിപ്പോര്ട്ട് നല്കിയത്. വലിയതുറ പൊലീസാണ് റിപ്പോര്ട്ട് സമര്പ്പിച്ചത്.
ഫര്സീന് മജീദ്, നവീന്, സുധീപ് ജയിംസ്, കെ എസ് ശബരീനാഥന് എന്നിവരാണ് കേസിലെ പ്രതികള്. വധശ്രമം, ഗൂഢാലോചന എന്നിവ നിലനിര്ത്തിയിട്ടുണ്ട്. സംഭവം നടന്ന് മൂന്ന് വര്ഷമായിട്ടും കുറ്റപത്രം സമര്പ്പിക്കാത്തതില് ഫെബ്രുവരിയില് കോടതി രൂക്ഷ വിമര്ശനം നടത്തിയിരുന്നു. എന്നാല് കേന്ദ്രാനുമതി ലഭിക്കാത്തതിനാലാണ് കുറ്റപത്രം സമര്പ്പിക്കാന് വൈകുന്നതെന്നാണ് പ്രോസിക്യൂഷന് കോടതിയെ അറിയിച്ചത്.
Whatsapp Group 1 | Whatsapp Group 2 |Telegram Group
