മൂന്നാം ദിവസവും തുടർച്ചയായ മഴ: ജില്ലയിലെ താഴ്ന്ന പ്രദേശങ്ങൾ വെള്ളത്തിനിടയിൽ; പാലായിലും വെള്ളക്കെട്ട്; ജില്ല വീണ്ടും പ്രളയഭീതിയിൽ
സ്വന്തം ലേഖകൻ കോട്ടയം: സംസ്ഥാനത്തിന്റെ ചരിത്രത്തിലെ ഏറ്റവും വലിയ പ്രളയത്തിന്റെ ഒന്നാം വാർഷികം അടുക്കുമ്പോൾ ജില്ല വീണ്ടും പ്രളയഭീതിയിൽ. കുമരകവും, തിരുവാർപ്പും, അടക്കമുള്ള പടിഞ്ഞാറൻമേഖലളിലും പാലാ നഗരത്തിലും അടക്കം വെള്ളം കയറിയതോടെയാണ് ജില്ലയിൽ വീണ്ടും വെള്ളപ്പൊക്കവും മഴക്കെടുതിയും അതിരൂക്ഷായിരിക്കുന്നത്. മഴക്കെടുതിയുടെ പശ്ചാത്തലത്തിൽ ജില്ലയിൽ രണ്ടിടത്ത്് ദുരിതാശ്വാസ ക്യാമ്പുകൾ ആരംഭിച്ചിട്ടുമുണ്ട്. നാട്ടകത്തും പെരുമ്പായിക്കാടുമാണ് ജില്ലയിൽ രണ്ട് ദുരിതാശ്വാസ ക്യാമ്പുകൾ പ്രവർത്തനം ആരംഭിച്ചിരിക്കുന്നത്. നാട്ടകം നിർമിതി കോളനി ഹാളിൽ ആരംഭിച്ച ദിരിതാശ്വാസ ക്യാമ്പിൽ 10 കുടുംബങ്ങളിലായി 50 ആളുകളാണ് ഉ്ള്ളത്. പെരുമ്പായിക്കാട് എസ്.എൻ.എൽ.പി.എസ് സ്‌കൂളിലെ ദുരിതാശ്വാസ ക്യാമ്പിൽ […]
