അണക്കെട്ടില്‍ അറുപതുകാരിയുടെ മൃതദേഹം; തല സ്റ്റീല്‍ പാത്രം കൊണ്ട് മൂടിയ നിലയിയിൽ

ഇടുക്കി: ആനയിറങ്കല്‍ അണക്കെട്ടില്‍ അറുപതുകാരിയുടെ മൃതദേഹം കണ്ടെത്തി.

ആനയിറങ്കല്‍ സ്വദേശി വെള്ളത്തായി ആണ് മരിച്ചത്. തല സ്റ്റീല്‍ പാത്രം കൊണ്ട് മൂടിയ നിലയിലായിരുന്നു മൃതദേഹം.

ബോട്ടിങ് നടത്തുന്ന സ്ഥലത്താണ് ഇവരെ മരിച്ച നിലയിൽ കണ്ടെത്തിയത്. മൃതദേഹം കണ്ട നാട്ടുകാരാണ് പൊലീസിൽ വിവരം അറിയിച്ചത്.

ഡാമിന് സമീപത്ത് തന്നെയാണ് വെള്ളത്തായിയുടെ വീട്. വെള്ളത്തായിയ്ക്ക് മാനസിക പ്രശ്‌നം ഉണ്ടായിരുന്നുവെന്ന് പൊലീസ് പറഞ്ഞു.

മരണത്തില്‍ അസ്വാഭാവികത ഉണ്ടോയെന്ന് പരിശോധിക്കും. സംഭവത്തിൽ പൊലീസ് അന്വേഷണം ആരംഭിച്ചു.