കോഴിക്കോട്: സംസ്ഥാനത്ത് നിപയും ഷിഗെല്ലയും ഒരേസമയം ആരോഗ്യവകുപ്പിന് വെല്ലുവിളിയാകുന്നതിനിടെ ആശ്വാസവും ആശങ്കയും പങ്കുവെച്ച് ആരോഗ്യ മന്ത്രി കെ. മുരളീധരൻ.
നിപ സ്ഥിരീകരിച്ച രോഗി കോഴിക്കോട് മെഡിക്കല് കോളജില് വെന്റിലേറ്ററിന്റെ സഹായത്തോടെ ചികിത്സയില് തുടരുന്നുവെന്നും സമ്പർക്കപ്പട്ടികയിലുള്ളവരുടെ പരിശോധനാഫലങ്ങള് നിലവില് ആശങ്കപ്പെടുത്തുന്നതല്ലെന്നും മന്ത്രി അറിയിച്ചു. കോഴിക്കോട് മെഡിക്കല് കോളജിലെ തീവ്രപരിചരണ വിഭാഗത്തില് കഴിയുന്ന രോഗിക്ക് ജൂണ് 10 മുതല് പ്രതിരോധ മരുന്നുകളും ജൂണ് 12 മുതല് ആന്റിബോഡി ചികിത്സയും ആരംഭിച്ചിരുന്നു. ഇതിനുപുറമെ, ബഹ്റൈനില് നിന്ന് പ്രത്യേകമായി എത്തിച്ച റെംഡിവിർ മരുന്നിന്റെ ആദ്യ ഡോസ് ഞായറാഴ്ച രാവിലെ രോഗിക്ക് നല്കിയതായും ആരോഗ്യ മന്ത്രി അറിയിച്ചു.
നിപ രോഗിയുടെ സമ്പർക്കപ്പട്ടികയില് ഉള്പ്പെട്ടവരെ ആരോഗ്യവകുപ്പ് നിരീക്ഷിച്ചുവരികയാണ്. പട്ടികയില് 44 ആരോഗ്യപ്രവർത്തകരും ഉള്പ്പെടുന്നു. ഇതുവരെ 30 സാമ്പിളുകള് പരിശോധിച്ചതില് ചികിത്സയിലുള്ള രോഗിയുടേതൊഴികെ മറ്റെല്ലാ ഫലങ്ങളും നെഗറ്റീവാണ്.
Whatsapp Group 1 | Whatsapp Group 2 |Telegram Group
സമ്പർക്കപ്പട്ടികയില് ഉള്പ്പെട്ട എല്ലാവർക്കും ആവശ്യമായ മെഡിക്കല് സഹായവും കൃത്യമായ നിരീക്ഷണവും ഉറപ്പാക്കിയിട്ടുണ്ടെന്ന് ആരോഗ്യവകുപ്പ് അറിയിച്ചു. രോഗവ്യാപനം തടയുന്നതിനുള്ള എല്ലാ പ്രതിരോധ നടപടികളും ശക്തമായി തുടരുകയാണ്.
