കോട്ടയം വേളൂരിൽ കാർ വൈദ്യുതി പോസ്റ്റിലിടിച്ചു: പോസ്റ്റ് ഒടിഞ്ഞ് വൈദ്യുതി നിലച്ചു: കാർ യാത്രക്കാർക്ക് പരിക്കില്ല.

കോട്ടയം: വേളൂർ മാണിക്കുന്നം കവലയിൽ നിയന്ത്രണംവിട്ട കാർ റോഡരികിലെ വൈദ്യുതി പോസ്റ്റിൽ ഇടിച്ചു. ഇടിയുടെ ആഘാതത്തിൽ വൈദ്യുതി പോസ്റ്റ് ഒടിഞ്ഞു.

പ്രദേശത്ത് വൈദ്യുതി ബന്ധം നിലച്ചു. തിരുവാതുക്കൽ -ഇല്ലിക്കൽ റോഡിൽ ഗതാഗത തടസം. ഇന്ന് ഉച്ചയ്ക്ക് 1.45 നായിരുന്നു അപകടം . –

ഇല്ലിക്കൽ ഭാഗത്തു നിന്നും കോട്ടയം ഭാഗത്തേയ്ക്ക് വരികയായിരുന്ന കാർ നിയന്ത്രണംവിട്ട് റോഡരികിലെ വൈദ്യുതി പോസ്റ്റിൽ ഇടിക്കുകയായിരുന്നു.

കാറിനുള്ളിൽ ആരോഗ്യ പ്രശ്നങ്ങളുള്ള ഒരാളും, ഡ്രൈവറുമാണ് ഉണ്ടായിരുന്നത്. രണ്ടു പേരും പരിക്കേൽക്കാതെ രക്ഷപ്പെട്ടു.

ഇവർ ആശുപത്രിയിലേയ്ക്കു പോകുന്നതിനിടെയാണ് അപകടം ഉണ്ടായത് എന്നു സംശയിക്കുന്നു. അപകട വിവരം അറിഞ്ഞ് കോട്ടയം വെസ്റ്റ് പൊലീസും, അഗ്നിരക്ഷാ സേനാംഗങ്ങളും സ്ഥലത്ത് എത്തി.