മലപ്പുറം: സംസ്ഥാനത്ത് കടുത്ത ചൂട് തുടരുന്നതിനിടെ മലപ്പുറം ജില്ലയില് വിവിധയിടങ്ങളിലായി രണ്ട് കുട്ടികള് ഉള്പ്പെടെ മൂന്ന് പേർക്ക് സൂര്യാതപമേറ്റു. ഇന്നലെയാണ് സംഭവം.
കൊണ്ടോട്ടിയിലെ കരിപ്പൂർ കുമ്മിണിപറമ്പ് സ്വദേശിക്കും വളാഞ്ചേരി സ്വദേശികളായ കുട്ടികള്ക്കുമാണ് ഇന്നലെ ഉച്ചക്ക് പൊള്ളലേറ്റത്. പറമ്പില് കളിച്ചുകൊണ്ടിരിക്കെയാണ് കുട്ടികള്ക്ക് സൂര്യാതപമേറ്റത്.
വളാഞ്ചേരി പൈങ്കണ്ണൂർ നിരപ്പില് തെങ്ങുംതോട്ടത്തില് പ്രമോദ്-ഷാനില ദമ്പതികളുടെ മൂന്നും അഞ്ചും വയസുള്ള ആണ്കുട്ടികള്ക്കാണ് പൊള്ളലേറ്റത്. വിദേശത്തായിരുന്ന കുടുംബം ഏതാനും ദിവസം മുൻപാണ് നാട്ടിലെത്തിയത്.
Whatsapp Group 1 | Whatsapp Group 2 |Telegram Group
മൂന്ന് വയസുകാരന്റെ കൈകള്ക്കും നെഞ്ചിനും പുറംഭാഗത്തുമാണ് പൊള്ളലേറ്റത്. അഞ്ചു വയസുകാരന്റെ കൈകള്ക്കും പൊള്ളലുണ്ട്. കുട്ടികളെ വളാഞ്ചേരി വൈക്കത്തൂർ ആശുപത്രിയില് പ്രവേശിപ്പിച്ചു.
കരിപ്പൂർ കുമ്മിണിപറമ്പ് മേലെ മംഗലത്ത് സ്വദേശി അഖിലിന് ആശാരി ജോലിക്കിടെ ഇന്നലെയാണ് വയറില് സൂര്യാതപമേറ്റത്. വയറില് കുമിളകള് വന്ന നിലയിലാണ് പാടുകള്. കൊണ്ടോട്ടി താലൂക്ക് ആശുപത്രിയില് ചികിത്സ തേടി.
