പ്രായപൂർത്തിയാകാത്ത പെൺകുട്ടിയെ പ്രണയം നടിച്ച് വശത്താക്കി പീഡിപ്പിച്ചു; സ്വകാര്യ ദ്യശ്യങ്ങൾ കാണിച്ച് ഭീഷണിപ്പെടുത്തി; പോക്സോ കേസിൽ കുറിച്ചി സ്വദേശി ചിങ്ങവനം പോലീസിൻ്റെ പിടിയിൽ

സ്വന്തം ലേഖിക

ചിങ്ങവനം: പ്രായപൂർത്തിയാകാത്ത പെൺകുട്ടിയെ പീഡിപ്പിച്ച കേസിൽ യുവാവിനെ പോലീസ് അറസ്റ്റ് ചെയ്തു.

കുറുച്ചി ഇത്തിത്താനം ഭാഗത്ത് കാഞ്ഞിരത്തുമൂട്ടിൽ വീട്ടിൽ ബിജു മകൻ ഷാബിൻ (23) നെയാണ് ചിങ്ങവനം പോലീസ് അറസ്റ്റ് ചെയ്തത്.

ഇയാൾ പെൺകുട്ടിയെ പ്രണയം നടിച്ച് വശത്താക്കി പീഡനത്തിനിരയാക്കുകയും അതോടൊപ്പം പെൺകുട്ടിയുടെ സ്വകാര്യ ദ്യശ്യങ്ങൾ ഫോണിൽ പക‍ർത്തുകയും , ഈ ദൃശ്യങ്ങൾ കാട്ടി ഭീക്ഷിണിപ്പെടുത്തുകയും ചെയ്യുകയായിരുന്നു.

കൂടാതെ ഈ ചിത്രങ്ങൾ പെൺകുട്ടിയുടെ ബന്ധുവിന് അയച്ചുനൽകുകയും ചെയ്തു. തുടർന്ന് അതിജീവിതയുടെ പരാതിയുടെ അടിസ്ഥാനത്തിൽ ചിങ്ങവനം പോലീസ് കേസ് രജിസ്റ്റർ ചെയ്യുകയും ഇയാളെ പിടികൂടുകയുമായിരുന്നു.

ചിങ്ങവനം സ്റ്റേഷൻ എസ്.എച്ച്.ഒ ജിജു.റ്റി.ആർ,എസ്.ഐ സുദീപ്, സി.പി.ഓ മാരായ സതീഷ്, സലമോൻ, പ്രകാശ്, റെജിൻ ലാൽ, സിറാജുദ്ദീൻ എന്നിവർ ചേർന്നാണ് ഇയാളെ പിടികൂടിയത്