കോട്ടയം മണിപ്പുഴയിൽ അമിത വേ​ഗതയിലെത്തിയ ബൈക്ക് റോഡരികിൽ നിർത്തിയിട്ടിരുന്ന സ്കൂട്ടറിലിടിച്ച് അപകടം; ബൈക്ക് യാത്രികരായ രണ്ട് യുവാക്കൾക്ക് പരിക്ക്

സ്വന്തം ലേഖകൻ

കോട്ടയം: കോട്ടയം മണിപ്പുഴ ജംങ്ഷന് സമീപം അമിത വേ​ഗതയിലെത്തിയ ബൈക്ക് റോഡരികിൽ നിർത്തിയിട്ടിരുന്ന സ്കൂട്ടറിലിടിച്ച് ബൈക്ക് യാത്രികരായ യുവാക്കൾക്ക് പരിക്ക്.

നാട്ടകം സിമന്റ് കവലയിൽ സുമി, മുപ്പായിക്കാട് കൊച്ചുപറമ്പിൽ വിനീത് എന്നിവർക്കാണ് പരിക്കേറ്റത്.

രാത്രി 10.30തോടെയാണ് അപകടം. അമിതവേ​ഗതയിലെത്തിയ ബൈക്ക് മണിപ്പുഴ കവലയ്ക്ക് സമീപം നിർത്തിയിട്ടിരുന്ന സ്കൂട്ടറിലിടിച്ച് മറിയുകയായിരുന്നു. ഇവർ മദ്യപിച്ചിരുന്നതായി അപകടം കണ്ട് സ്ഥലത്തെത്തിയ നാട്ടുകാർ പറഞ്ഞു. ഇവരെ ആംബുലൻസിൽ കോട്ടയം മെഡിക്കൽ കോളജിലെത്തിച്ചു.