കാണാതായ വയോധികയെ മരിച്ചനിലയില്‍ കണ്ടെത്തി ; മൃതദേഹം അഴുകിയ നിലയിൽ

കോഴിക്കോട് : കോടഞ്ചേരിയില്‍ നിന്ന് കാണാതായ വയോധികയെ മരിച്ചനിലയില്‍ കണ്ടെത്തി. മംഗലം വീട്ടില്‍ ജാനു(75) ആണ് മരിച്ചത്.

ഈ മാസം ഒന്നാം തിയതിയാണ് ജാനുവിനെ കാണാതായത്. പോലീസും ഡോഗ് സ്ക്വാഡും നാട്ടുകാരും സന്നദ്ധ സംഘടന പ്രവർത്തകരും നടത്തിയ തിരച്ചിലിലാണ് അഴുകിയ നിലയില്‍ മൃതദേഹം കണ്ടെത്തിയത്.

ഇന്നലെ വലിയകൊല്ലി പള്ളിക്കുന്നേല്‍ മലയില്‍ കാട്ടില്‍ വസ്ത്രങ്ങള്‍ കണ്ടെത്തിയിരുന്നു. വസ്ത്രം ഉണ്ടായിരുന്നതിന് താഴെയാണ് മൃതദേഹം കണ്ടെത്തിയത്.

ജാനുവിന് ഓർമക്കുറവുണ്ടായിരുന്നതായി ഉദ്യോഗസ്ഥർ അറിയിച്ചിരുന്നു. എങ്ങനെയാണ് ജാനു ഇവിടെയത്തിയത് എന്നതില്‍ വ്യക്തതയില്ല.