തലസ്ഥാനത്തെ സിനിമാ മാമാങ്കത്തിന് ഇന്ന് തിരശ്ശീല വീഴും ; സമാപന സമ്മേളനം പിണറായി വിജയൻ ഉദ്ഘാടനം ചെയ്യും

സ്വന്തം ലേഖകൻ

തിരുവനന്തപുരം : തലസ്ഥാന നഗരിയിൽ ഒരാഴ്ച്ച നീണ്ട് നിന്ന സിനിമാ മാമാങ്കത്തിന് ഇന്ന് തിരശീല വീഴും. രാജ്യാന്തര ചലച്ചിത്ര മേളയുടെ സമാപനസമ്മേളനം മുഖ്യമന്ത്രി പിണറായി വിജയൻ ഉദ്ഘാടനം ചെയ്യും. അതോടൊപ്പം അർജന്റീനിയൻ സംവിധായകനായ ഫെർണാണ്ടോ സൊളാനസിന് ആജീവനാന്ത സംഭാവനക്കുള്ള പുരസ്‌ക്കാരവും ചടങ്ങിൽ മുഖ്യമന്ത്രി നൽകും. മന്ത്രി എ കെ ബാലൻ അധ്യക്ഷനാകുന്ന ചടങ്ങിൽ സ്പീക്കർ പി ശ്രീരാമകൃഷ്ണൻ മുഖ്യാതിഥിയും പ്രതിപക്ഷ നേതാവ് രമേശ്‌ചെന്നിത്തല, ധനമന്ത്രി ഡോ.തോമസ് ഐസക്ക്,മേയർ കെ.ശ്രീകുമാർ ,അക്കാദമി ചെയർമാൻ കമൽ,വൈസ് ചെയർ പേഴ്‌സൺ ബീനാപോൾ,സെക്രട്ടറി മഹേഷ് പഞ്ചു തുടങ്ങിയവർ പങ്കെടുക്കും.വൈകുന്നേരം 5.30ന് നിശാഗന്ധിയിലാണ് സമാപനച്ചടങ്ങുകൾ നടക്കുക. സമാപന സമ്മേളനത്തിന് ശേഷം മത്സരവിഭാഗത്തിൽ സുവർണ്ണചകോരത്തിന് അർഹമാകുന്ന ചിത്രം പ്രദർശിപ്പിക്കും.