ഹരിപ്പാട്: ഗ്യാസ് സിലണ്ടർ പൊട്ടിത്തെറിച്ച് വീട് പൂർണമായും കത്തി നശിച്ചു. വീയപുരം ഇരതോട് പാലത്തിന് കിഴക്ക് നിരണം 11-ാം വാർഡില് ആറ്റുമാലില് പള്ളിയ്ക്ക് സമീപം വാഴച്ചിറയില് സുബാഷ് ശ്രീജാ ദമ്ബതികളുടെ വീടാണ് ബുധനാഴ്ച്ച രാവിലെ പത്ത് മണിയോടെ പൂർണ്ണമായും കത്തി നശിച്ചത്.
രണ്ടു മുറികളും അടുക്കളയുമായി അലുമിനിയം ഷീറ്റ് ഉപയോഗിച്ച് തീർത്ത വീടാണ് അഗ്നിക്കിരയായത്. ചൂട് കൂടിയതിനെ തുടർന്ന് ഗ്യാസ് സിലണ്ടർ ഉഗ്രസ്ഫോടനത്തോടെ പൊട്ടിത്തെറിക്കുകയും തീ പിടിത്തം ഉണ്ടാവുകയുമായിരുന്നു.
ഹരിപ്പാട് തകഴി തിരുവല്ല എന്നിവിടങ്ങളില് നിന്നായി അഗ്നിശമന സേനയുടെ 4 യൂണിറ്റുകള് സ്ഥലത്തെത്തിയെങ്കിലും മുഴുവൻ ഗൃഹോപകരണങ്ങളും സർട്ടിഫിക്കറ്റ് അടക്കമുള്ള രേഖകളും കത്തി നശിച്ചു.
Whatsapp Group 1 | Whatsapp Group 2 |Telegram Group
പെയിന്റിങ് തൊഴിലാളിയായ സുഭാഷ് ജോലിക്ക് പോയിരുന്നു. ഭാര്യ ശ്രീജ കുട്ടികളെ സ്കൂളില് വിട്ടതിനുശേഷം ഹരിപ്പാട്ട് സ്വകാര്യ സ്ഥാപനത്തില് ജോലിക്കും പോയിരുന്നു. വീട്ടില് ആരും ഇല്ലാതിരുന്നതിനാല് വൻ ദുരന്തം ഒഴിവായി. വീട് പൂർണ്ണമായും കത്തി നശിച്ചതിനാല് മാറിയുടുക്കാൻ വസ്ത്രങ്ങള് പോലുമില്ലാത്ത അവസ്ഥയിലാണ് കുടുംബം.
