കശുമാവിൻ തോട്ടത്തിൽ ചവറിന് തീ ഇടുന്നതിനിടെ ബോധരഹിതയായി വീണു ; പൊള്ളലേറ്റ് കണ്ണൂരിൽ വീട്ടമ്മയ്ക്ക് ദാരുണാന്ത്യം

സ്വന്തം ലേഖകൻ

കണ്ണൂർ: കശുമാവിൻ തോട്ടത്തിൽ ചവറിന് തീ ഇടുന്നതിനിടെ തീ ആളിപ്പടർന്ന് കൊട്ടിയൂരിൽ പൊള്ളലേറ്റ് വീട്ടമ്മയ്ക്ക് ദാരുണാന്ത്യം . ചപ്പമല പൊന്നമ്മ കുട്ടപ്പൻ ( 60) ആണ് മരിച്ചത്.

ഇന്ന് രാവിലെ ഒൻപത് മണിയോടെ വീടിന് സമീപത്തെ കശുമാവിൻ തോട്ടത്തിലെ ചവറിന് തീയിടുന്നതിനിടെയാണ് സംഭവം. വീടിന് സമീപത്തേക്ക് പടരുന്നത് കണ്ടു ബോധ രഹിതയായി വീഴുകയായിരുന്നു. ഇതിനിടെ പൊന്നമ്മക്കും പൊള്ളലേൽക്കുകയായിരുന്നു

പൊന്നമ്മയെ ഉടന്‍ ആശുപത്രിയിൽ എത്തിച്ചെങ്കിലും ജീവന്‍ രക്ഷിക്കാനായില്ല. അതേസമയം, കൊട്ടിയൂർ വനത്തിലേക്ക് പടർന്ന തീ ഫയർ ഫോഴ്സ് എത്തി അണക്കുകയായിരുന്നു.