പാലാരിവട്ടം മേൽപ്പാലം അഴിമതി: എഫ്.ഐ.ആർ റദ്ദാക്കണമെന്ന ടി.ഒ സൂരജിന്റെ ഹർജി തള്ളി ഹൈക്കോടതി; അഴിമതിപണം ഉപയോ​ഗിച്ച് മകന്റെ പേരിൽ സൂരജ് വാങ്ങിയത് മൂ​ന്ന​ര​ക്കോ​ടി​യു​ടെ ഭൂ​മി; സ​ർ​ക്കാ​ർ ഉ​ദ്യോ​ഗ​സ്ഥ​ൻ എ​ന്ന നി​ലയിൽ ഉ​ത്ത​ര​വ് ന​ട​പ്പാ​ക്കു​ക മാ​ത്ര​മാ​ണ് താ​ൻ ചെ​യ്തത്, അഴിമതിയിൽ പങ്കില്ലെന്ന് സൂരജ്

സ്വന്തം ലേഖകൻ

കൊച്ചി: പാലാരിവട്ടം മേൽപ്പാലം അഴിമതി കേസിൽ തനിക്കെതിരെയുള്ള എഫ്.ഐ.ആർ റദ്ദാക്കണമെന്ന ടി.ഒ സൂരജിന്റെ ഹർജി തള്ളി ഹൈക്കോടതി. ത​നി​ക്കെ​തി​രാ​യ കേ​സ് നി​ല​നി​ൽ​ക്കി​ല്ലെ​ന്നും, എഫ്.ഐ.ആർ ഇടുന്നതിന് മുൻപ് സർക്കാരിന്റെ അനുവാദം വാങ്ങണമെന്ന നിയമം തന്റെ കാര്യത്തിൽ പാലിച്ചിട്ടില്ലെന്നാണ് സൂരജിന്റെ വാദം.

സ​ർ​ക്കാ​ർ ഉ​ദ്യോ​ഗ​സ്ഥ​ൻ എ​ന്ന നി​ല​യ്ക്ക് സ​ർ​ക്കാ​ർ ഉ​ത്ത​ര​വ് ന​ട​പ്പാ​ക്കു​ക മാ​ത്ര​മാ​ണ് താ​ൻ ചെ​യ്ത​ത്. അ​ഴി​മ​തി​യി​ൽ ത​നി​ക്ക് പ​ങ്കി​ല്ലെ​ന്നും ഹ​ർ​ജി​യി​ൽ സൂ​ര​ജ് വ്യ​ക്ത​മാ​ക്കി​യി​രു​ന്നു.

പാലാരിവട്ടം കേസിൽ അന്വേഷണം പൂർത്തിയാക്കി കുറ്റപത്രം നിയമപരിശോധനയ്ക്കായി വിജിലൻസ് സർക്കാരിന് കൈമാറിയതിനിടെയാണ് സൂരജ് കോടതിയെ സമീപിച്ചത്.

എന്നാൽ ഹൈക്കോടതി ഹർജി തള്ളിയതോടെ സൂരജിനെതിരെ അഴിമതി കേസ് നിലനിൽക്കും. കേസിലെ പ്രതിയാണ് സൂരജ്.

എന്നാൽ കോടതിയിൽ സൂരജിന്റെ ഹർജിയിൽ ഉന്നയിക്കുന്ന വാദങ്ങൾക്കെതിരെ ശക്തമായ നിലപാടാണ് വിജിലൻസ് സ്വീകരിച്ചത്.

സൂരജിനെതിരെ ശക്തമായ തെളിവുകളുണ്ടെന്നും അഴിമതിയുടെ തുടക്കം മുതൽ സൂരജിന്റെ പങ്കാളിത്തമുണ്ടെന്നും വ്യക്തമാക്കുന്ന രേഖകളുൾപ്പെടെയാണ് സംസ്ഥാന സർക്കാർ കോടതിയിൽ കാര്യങ്ങൾ വിശദീകരിച്ചത്.

അ​ഴി​മ​തി​യെ​ക്കു​റി​ച്ച് സൂ​ര​ജി​ന് വ്യ​ക്ത​മാ​യ അ​റി​വു​ണ്ടാ​യി​രു​ന്നു. പാ​ലം അ​ഴി​മ​തി​യി​ലെ മു​ഖ്യ​ക​ണ്ണി​യാ​ണ് സൂ​ര​ജ്. അ​ഴി​മ​തി​പ്പ​ണം ല​ഭി​ച്ച കാ​ല​യ​ള​വി​ൽ മ​ക​ൻറെ പേ​രി​ൽ ഇ​ട​പ്പ​ള്ളി​യി​ൽ മൂ​ന്ന​ര​ക്കോ​ടി​യു​ടെ ഭൂ​മി സൂ​ര​ജ് വാ​ങ്ങി​യെ​ന്നും വി​ജി​ല​ൻ​സ് കോ​ട​തി​യെ അ​റി​യി​ച്ചു.

ഇത് അംഗീകരിച്ചുകൊണ്ടാണ് സൂരജിന്റെ ഹർജി ഹൈക്കോടതി തള്ളിയത്.