കുടുംബ വഴക്കിനെ തുടർന്ന് ഭാര്യയെ കൊലപ്പെടുത്താൻ ശ്രമിക്കുന്നത് ഇത് രണ്ടാം തവണ; ഭാര്യയെ ചുറ്റികയ്ക്ക് അടിച്ച് പരിക്കേൽപ്പിച്ച ചങ്ങനാശേരി സ്വദേശി പൊലീസ് പിടിയിൽ

സ്വന്തം ലേഖകൻ

ചങ്ങനാശേരി: കുടുംബ വഴക്കിനെ തുടർന്ന് ഭാര്യയെ തലയ്ക്കടിച്ചു കൊലപ്പെടുത്താൻ ശ്രമിച്ച ഭർത്താവ് പൊലീസ് പിടിയിൽ.ബുധനാഴ്ച രാത്രി 10.30 ഓടെയായിരുന്നു സംഭവം.

കുടുംബ വഴക്കിനെ തുടർന്നാണ് ഇടപ്പള്ളി കോളനി നിവാസിയായ കുഞ്ഞുമോൻ ഭാര്യയെ ചുറ്റികയ്ക്ക് അടിച്ച് പരിക്കേൽപ്പിച്ചത്.

ഇയാൾ മുൻപും ഭാര്യയെ തീകൊളുത്തിക്കൊല്ലാൻ ശ്രമിച്ചിട്ടുള്ളതായി സമീപവാസികൾ തേർഡ് ഐ ന്യൂസിനോട് പറഞ്ഞു.

പരിക്കേറ്റ കുഞ്ഞുമോന്റെ ഭാര്യയെ ചങ്ങനാശേരി ജനറൽ ആശുപത്രിയിലും പിന്നീട് , കോട്ടയം മെഡിക്കൽ കോളേജ് ആശുപത്രിയിലും പ്രവേശിപ്പിച്ചു.